اکثر بچے اسپتال جاتے ہوئے گھبراتے ہیں، بچوں کو چھوٹی سی بیماری پر بھی اسپتال لے جایا جائے تو وہ رونا شروع کردیتے ہیں۔
لیکن برازیل میں ایک کمسن بچے کی ویڈیو سوشل میڈیا پر وائرل ہورہی ہے جس میں دیکھا جاسکتا ہے کہ بچہ اسپتال میں ناصرف خوش ہے بلکہ اپنا پسندیدہ گانا بھی گنگنا رہا ہے۔
میگوئل نامی بچے کو معدے کی بیماری میں مبتلا ہونے پر اسپتال داخل کروایا گیا تھا۔
ویڈیو میں دیکھا جاسکتا ہے کہ جب بچے نے ٹی وی اپنا پسندیدہ گانا چلتا ہوا دیکھا تو وہ خود کو روک نہیں سکا اور اسپتال کے بیڈ پر ہی چمچے کو مائیک بنا کر گانا گنگنا اور جھومنا شروع کردیا۔
Even in difficult times at the hospital this little boy sings & dances.
(Brazil) Little Miguel was hospitalized last week with gastroenteritis but that didn't keep him from singing & dancing when his favorite song came on the TV. He is now back at home doing well.
(🎥:Pericles) pic.twitter.com/BOga5UL1gH— GoodNewsMovement (@GoodNewsMoveme3) October 9, 2021
بچے کی ویڈیو سوشل میڈیا پر تیزی سے وائرل ہورہی ہے اور اسے اب تک ہزاروں افراد دیکھ چکے ہیں اور اس پر دلچسپ تبصرے کرنے کا سلسلہ جاری ہے۔
ایک صارف نے لکھا کہ ’ویڈیو دیکھ میرے چہرے پر مسکراہٹ آگئی، ایک اور صارف نے لکھا کہ اسپتال میں بچے کی خوشی دیکھ کر حیرت ہورہی ہے۔
رپورٹ کے مطابق میگوئل اب صحت یاب ہوچکا ہے اور اسے اسپتال سے گھر منتقل کردیا گیا ہے
