The news is by your side.

Advertisement

ٹوکیو میں فنکاروں کے بغیر بین الاقوامی فلمی میلے کا آغاز

ٹوکیو: کرونا وبا کے باعث محدود پیمانے پر ایشیا کے سب سے بڑے فلمی میلے ٹوکیو انٹرنیشنل فلم فیسٹیول کا آغاز ہوگیا ہے۔

بین الاقوامی میڈیا رپورٹ کے مطابق اس سال ٹوکیو انٹرنیشنل فلم فیسٹیول عالمی وبا کے باعث ریڈ کارپٹ پر اداکاروں اور ہدایتکاروں کے عمومی جلوہ افروز ہوئے بغیر شروع ہوا۔

33 ویں ٹوکیو انٹرنیشنل فلم فیسٹول کی افتتاحی تقریب ٹوکیو انٹرنیشنل فورم میں منعقد ہوئی، اس تقریب کو کافی حد تک محدود کیا گیا، جہاں فنکاروں نے پرستاروں کے ایک بڑے ہجوم کے سامنے بھرپور انداز میں نمودار ہونے کے بجائے ذرائع ابلاغ کے نمائندوں کے سامنے خیرسگالی جذبات کا اظہار کیا۔

منتظمین کے مطابق اس سال گرانڈ پرکس مقابلہ منعقد نہیں کیا جائے گا کیونکہ عالمی وبا کی وجہ سے بیرونِ ملک سےانعامی مقابلوں کے ججز شرکت نہیں کر سکتے، حاضرین کے ووٹوں کے ذریعے 32 فلموں میں سے انتخاب کیے جانے والا آڈیئنس ایوارڈ اس میلے کا واحد انعام ہو گا، میلہ 9 نومبر تک جاری رہے گا۔ آڈیئنس ایوارڈ کا اعلان آخری روز کیا جائے گا۔

واضح رہے کہ ٹوکیو میلے کا سب سے پہلے 1985 میں انعقاد کیا گیا اور 1991 تک ہر دوسال بعد انعقاد کیا جاتا تھا تا ہم اب اس میلے کا ہر سال انعقاد کیا جاتا ہے۔

Comments

یہ بھی پڑھیں