The news is by your side.

Advertisement

ٹوکیو اولمپکس کی نئی تاریخوں کا اعلان کردیا گیا

ٹوکیو: انٹرنیشنل اولمپک کمیٹی نے ٹویو اولمپکس کی نئی تاریخوں کا اعلان کردیا۔

تفصیلات کے مطابق کرونا وائرس کی وبا کے باعث ملتوی ہونے والے ٹوکیو اولمپکس کی نئی تاریخوں کا اعلان کردیا گیا جس کے مطابق ٹوکیو اولمپکس 23 جولائی سے 8 اگست 2021 میں ہوں گے، پہلے یہ مقابلے رواں برس 24 جولائی میں شیڈول تھے۔

انٹرنیشنل اولمپک کمیٹی کے مطابق پیرالمپکس گیمز کے مقابلے 24 اگست سے 5 ستمبر 2021 میں ہوں گے۔

انٹرنیشنل اولمپک کمیٹی کے صدر تھامس باخ نے تمام اسٹیک ہولڈرز کے بھرپور تعاون کا شکریہ ادا کرتے ہوئے کہا کہ جاپان آرگنائزنگ کمیٹی اور سب فیڈریشنز کے تعاون سے آئندہ سال ایونٹ کا کامیاب انعقاد کیا جائے گا۔

مزید پڑھیں: کرونا کا وار، اولمپکس 2020 ایک سال کے لیے ملتوی

انٹرنیشنل پیرالمپکس کمیٹی کے صدر اینڈریو پارسن نے کہا کہ جب آئندہ سا ل پیرالمپکس کا انعقاد ہوگا تو یہ انسانیت کے اتحاد اور انسانی جرات کا مظہر ہوگا۔

انہوں نے کہا کہ اب جبکہ پیرالمپکس کے انعقاد میں 512 دن باقی ہیں تو پیرالمپکس تحریک سے جڑے تمام افراد کی ترجیح ہونی چاہئے کہ وہ اس مشکل وقت میں اپنے دوستوں اور اہلخانہ کے ساتھ محفوظ رہیں۔

یاد رہے کہ کرونا وائرس کے سبب اکثر ممالک میں کرکٹ، فٹبال سمیت دیگر کھیلوں کے مقابلے ملتوی کردئیے گئے ہیں، عالمی سطح پر بڑھتی ہوئی ہلاکتوں اور وائرس سے متاثرہ کیسز رپورٹ ہونے کے بعد اکثر ممالک کی جانب سے اولمپکس مقابلے ملتوی کرنے کے مطالبات کیے گئے تھے جس کے بعد ٹوکیو اولمپکس کو ملتوی کردیا گیا تھا۔

fb-share-icon0
Tweet 20

Comments

comments

یہ بھی پڑھیں