The news is by your side.

Advertisement

ٹوکیو اولمپکس کے آغاز سے قبل ہی کورونا کا حملہ

ٹوکیو اولمپکس کے آغاز سے چند روز قبل ایونٹ پر کورونا نے حملہ کر دیا ہے اور کئی کیسز سامنے ‏آ گئے ہیں۔

بین الاقوامی میڈیا رپورٹس کے مطابق سخت قوانین کے باوجود اولمپک ولیج میں صرف اتوار کے ‏روز5 ایتھلیٹس کے کورونا ٹیسٹ مثبت آگئے، جن میں تین جنوبی افریقی انڈر ٹوئنٹی تھری فٹبال ٹیم ‏کے ایتھلیٹس شامل ہیں۔

منتظمین کا کہنا ہے کہ مجموعی طور پر کورونا سے متاثرہ ایتھلیٹس کی تعداد 10 سے زائد ہو گئی ‏ہے۔ تازہ کیسز سامنے آنے پر ایونٹ خدشات کا شکار ہوگیا ہے۔

گزشتہ روز بھی ایک غیرملکی آفیشل کا کورونا مثبت آیا تھا۔ ٹوکیو اولمپکس کا آغاز تماشائیوں کے ‏بغیر تئیس جولائی سے ہونا ہے، ایونٹ میں دس پاکستانی ایتھلیٹس بھی شرکت کررہے ہیں۔

کورونا ایمرجنسی کے نفاذ پر انتظامیہ نے فیصلہ کیا ہے کہ 23 جولائی سے شروع ہونے والے ‏اولمپکس مقابلوں میں تماشائیوں کو میدان میں آنے کی اجازت نہیں ہوگی۔

ٹوکیو میں ایمرجنسی کا آغاز پیر سے ہوگا اور 23 جولائی سے ہونے والے اولمپکس کے دوران بھی ‏اسے برقرار رکھا جائے گا۔

Comments

یہ بھی پڑھیں