تازہ ترین

ٹوکیو اولمپکس سے متعلق آئی او سی کا دوٹوک اعلان

ٹوکیو: انٹرنیشنل اولمپک کمیٹی نے ٹوکیو اولمپکس کے انعقاد پر چھائے بادلوں کو ختم کرتے ہوئے اہم اعلان کردیا ہے۔

غیر ملکی میڈیا رپورٹ کے مطابق انٹرنیشنل اولمپک کمیٹی نے واضح اعلان کیا ہے کہ رواں سال ٹوکیو اولمپکس ملتوی نہیں ہوں گے، ایونٹ کی تمام تیاریاں مکمل ہیں۔

آئی او سی نے اپنے اعلان میں کہا کہ اگر کرونا وائرس کے باعث ہنگامی حالات ہوئےتوبھی ٹوکیوگیمز منعقدہوں گے، اولمپکس گیمز کےشروع ہونے میں صرف چند ہفتے رہ گئے ہیں، کوشش ہے کہ جتنی جلد ممکن ہوسکےجاپانی شہریوں کےخدشات کو دور کرلیا جائے۔

آئی اوسی کا کہنا تھا کہ تئیس جولائی سے پہلے ٹوکیو شہر کے اسی فیصد سے زیادہ رہائشیوں کو کرونا ویکسین لگادی جائےگی کیونکہ ٹوکیو کے شہریوں اور تمام کھلاڑیوں کی حفاظت اولین ترجیح ہے۔

یہ بھی پڑھیں: ٹوکیو اولمپکس کا انعقاد ایک بار پھر کیوں خطرے میں پڑگیا؟

یاد رہے کہ دنیا بھر میں کرونا وائرس کے پھیلاؤ کی وجہ سے مارچ 2020 میں ٹوکیو میں ہونے والے اولمپکس کو موخر کر دیا گیا تھا، یہ گیمز 24 جولائی سے 9 اگست 2020 تک منعقد ہونا تھیں تاہم اب یہ نئے شیڈول کے مطابق 23 جولائی سے 8 اگست 2021 تک منعقد ہونے ہیں۔

دوسری جانب آسٹریلیا نے اولمپکس کے آزمائشی ایونٹس میں شرکت نہ کرنے کا فیصلہ کیا ہے، آسٹریلوی غوطہ خوری آرگنائزیشن کا کہنا تھا کہ کھلاڑیوں اور آفیشلز کو ٹوکیو بھیجنا محفوظ نہیں ہوگا۔

Comments

- Advertisement -