The news is by your side.

Advertisement

ٹوکیو پیرالمپکس شائقین کی موجودگی میں ہوگا یا نہیں؟ فیصلہ ہوگیا

ٹوکیو: ٹوکیو پیرالمپکس شائقین کی گراؤنڈ میں موجودگی میں ہوگا یا نہیں؟ فیصلہ ہوگیا۔

غیر ملکی میڈیا رپورٹ کے مطابق ٹوکیو پیرا اولمپکس کے منتظمین نے شائقین کے بغیر مقابلے کرانے کا فیصلہ کیا ہے، یہ فیصلہ پیرالمپکس انتظامی کمیٹی، ٹوکیو بلدیہ عظمیٰ، حکومت جاپان اور بین الاقوامی پیرالمپک کمیٹی، آئی پی سی کے نمائندوں کے اجلاس میں کیا گیا۔

آئی پی سی کے صدر اینڈریو پارسنز نے اجلاس میں خصوصی شرکت کی، اس سے پہلے منعقدہ اولمپک گیمز کے بیشتر مقابلے شائقین کے بغیر کرائے گئے تھے۔

یہ بھی پڑھیں: چینی کھلاڑیوں کو ٹوکیو اولمپکس میں شاندار کارکردگی کا صلہ مل گیا

منتظمین کے مطابق پیرالمپک کے دوران کھیلوں کے مقابلے چار پریفیکچروں میں کرائے جائیں گے، ان میں ٹوکیو، سائی تاما، اور ٹوکیو شامل ہے، مگر کرونا وائرس کے پھیلاؤ کے باعث یہاں ہنگامی حالت نافذ ہے۔ چوتھے پریفیکچر شیزواوکا میں بھی آئندہ ایک دو روز میں اسی قسم کی پابندیاں عائد کی جائیں گی۔

مقامی حکام کا کہنا ہے کہ ایک خصوصی پروگرام کے تحت دیگر اقدامات کے علاوہ چاروں میں سے ہر ایک پریفیکچر میں اسکول بچوں کو کھیلوں کے مقام انعقاد پر منتخب مقابلے دیکھنے کی اجازت دی جائے گی، حکام کا کہنا ہے کہ اس سلسلے میں انفیکشن کی روک تھام کے لیے تمام تر اقدامات اٹھائے جائیں گے،پیرالمپک گیمز کا آغاز چوبیس اگست سے ہوگا۔

Comments

یہ بھی پڑھیں