تازہ ترین

ٹام کروز کا کورونا سے بچاؤ کے لیے انوکھا اقدام

نیویارک: خطرناک اسٹنٹس اور ایکشن کی وجہ سے دنیا بھر میں مشہور ہالی ووڈ اداکار ٹام کروز کے کورونا سے بچاؤ کے لیے انوکھے اقدام نے لوگوں کو حیران کردیا۔

تفصیلات کے مطابق ہالی ووڈ اداکار ٹام کروز نے خطیر رقم خرچ کرکے روبوٹس خریدے ہیں جو ان کی فلم کے سیٹ پر کورونا سے متعلق حفاظتی انتظامات کا جائزہ لیں گے اور اس پر عملدرآمد سے متعلق نظر رکھیں گے۔

واضح رہے کہ ٹام کروز ان دنوں اپنی نئی فلم ’مشن امپاسیبل 7‘ کی شوٹنگ میں مصروف ہیں۔

کورونا وائرس کے باعث فلم کی ریلیز تاخیر کا شکار ہوچکی ہے جبکہ ٹام کروز گزشتہ دنوں فلم کے سیٹ پر کرونا وائرس کے باعث سماجی فاصلہ نہ رکھنے والے کریو ممبر پر برس پڑے تھے۔

مزید پڑھیں: ٹام کروز کے غصے پر سیٹ کے 5 افراد کام چھوڑ چلے گئے

ہالی ووڈ اداکار نے دھمکی دی تھی کہ دوبارہ کورونا کےضابطے توڑے گئے تو شوٹنگ چھوڑ کر چلیں جائیں گے۔

یاد رہے کہ ٹام کروز کے غصے پر فلم مشن امپاسیبل 7 کے سیٹ پر موجود 5 ارکان کام چھوڑ کر چلے گئےتھے، فلم کے سیٹ پر کئی مہینوں سے تناؤ برقرار تھا اور اس سے قبل بھی بعض افراد ٹام کروز کے رویے کے باعث کام چھوڑ کر جاچکے ہیں تاہم انہوں نے اسے سنجیدگی سے نہیں لیا اور فلم کی شوٹنگ میں مصروف رہے۔

Comments

- Advertisement -