اسلام آباد: ملک بھر میں ٹماٹروں کی قیمتیں آسمان پر پہنچ گئیں۔ صارفین نے ایک بار پھر سوشل میڈیا پر ٹماٹروں کا بائیکاٹ کرنے کی اپیل کردی۔
تفصیلات کے مطابق منڈیوں میں فی کلو ٹماٹر 180 روپے تک فروخت کیے جارہے ہیں حتیٰ کہ خراب ٹماٹر بھی سو روپے سے کم نہیں۔ کراچی میں 200 اور پشاور میں 140 روپے فی کلو میں فروخت ہو رہا ہے۔
رمضان المبارک میں پھلوں کے بائیکاٹ کی مہم کے بعد سوشل میڈیا پر اب ٹماٹروں کے بائیکاٹ کی مہم بھی جاری ہے۔ ملک بھر میں ٹماٹروں کے سوشل میڈیا پر بائیکاٹ کا آج پہلا دن ہے۔
ٹماٹروں کے بیوپاریوں کا کہنا ہے کہ ان بائیکاٹس کا کوئی اثر نہیں پڑتا تاہم عوام نے 3 دن تک ٹماٹر کا بائیکاٹ کرنے کا اعلان کردیا۔
سوشل میڈیا کے ذریعے عوام نے 26، 27، اور 28 ستمبر کو ٹماٹروں کے بائیکاٹ کا اعلان کیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
