The news is by your side.

Advertisement

کل احتساب عدالت آصف زرداری کو بذریعہ ویڈیولنک چارج کرنے جارہی ہے: فوادچوہدری

اسلام آباد: وفاقی وزیرسائنس وٹیکنالوجی فواد چوہدری کا کہنا ہے کہ کل احتساب عدالت آصف زرداری کو بذریعہ ویڈیولنک چارج کرنے جارہی ہے، عدالتوں میں ٹیکنالوجی کا استعمال انتہائی خوش آئند ہے۔

تفصیلات کے مطابق سماجی رابطے کی ویب سائٹ ٹوئٹر پر فواد چوہدری نے لکھا کہ جس طرح آصف زرداری سے متعلق ویڈیو لنک کا استعمال ہورہا ہے، نوازشریف کے خلاف مقدمات میں ٹیکنالوجی استعمال کیوں نہیں کی جارہی؟

وفاقی وزیر نے مطالبہ کیا کہ مقدمات فوری شروع کرنے چاہئیں، نوازشریف ویڈیولنک سے شامل ہوں۔

خیال رہے کہ گزشتہ روز احتساب عدالت نے پارک لین کیس میں نامزد پیپلزپارٹی کے شریک چیئرمین اور سابق صدر آصف زرداری پر فرد جرم کی تاریخ مقرر کرنے کا حکم نامہ جاری کردیا ہے۔

پارک لین کیس، آصف زرداری پر فرد جرم عائد کرنے کا حکم نامہ جاری

اے آر وائی نیوز کی رپورٹ کے مطابق احتساب عدالت نے پارک لین کیس میں نامزد ملزمان پر فرد جرم عائد کرنے کی تاریخ مقرر کرنے کا تحریری حکم نامہ جاری کردیا جو تین صفحات پر مشتمل ہے۔

عدالتی حکم نامے میں کہا گیا ہے کہ پارک لین کیس میں نامزد سابق صدر آصف زرداری سمیت9 ملزمان پر فرد جرم عائد کی جائے گی، آصف زرداری پربلاول ہاؤس کراچی میں ویڈیولنک پر فردجرم عائد کی جائے گی۔

Comments

یہ بھی پڑھیں