ٹی ٹوئنٹی: جنوبی افریقہ نے بھارت کو 7 وکٹوں سے شکست دے دی -
The news is by your side.

Advertisement

ٹی ٹوئنٹی: جنوبی افریقہ نے بھارت کو 7 وکٹوں سے شکست دے دی

دھرما شالا : جنوبی افریقا نے پہلے ٹی ٹوئنٹی میچ میں سنسنی خیز مقابلے کےبعد انڈیا کو سات وکٹوں سے شکست دے کرتین میچوں کی سیریزمیں ایک صفر کی برتری حاصل کرلی ہے۔

دھرم شالہ میں کھیلےگئےٹی ٹوئنٹی سیریز کےپہلےمیچ میں بھارت نے جنوبی افریقا کو جیت کےلئے 200 رنز کا ہدف دیا۔

روہت شرما کے 106 اور ویرات کوہلی کے 43 رنز کی بدولت بیس اوورزمیں بھارت نے پانچ وکٹوں پر199 رنز بنائے۔

جنوبی افریقا کی جانب سے ہدف کےتعاقب کے لئے اے بی ڈویلیئرز اورہاشم آملہ نےجارحانہ بیٹنگ کا آغازکیا۔

ڈویلیئرز 51 اور ہاشم آملہ 36 رنز بنا کر آؤٹ ہوئےجس کے بعد جےپی ڈومینی نے دھواں دھار بیٹنگ کرتے ہوئے انڈیا کو جیت سے کوسوں دور کردیا۔

جنوبی افریقا کے بلے باز ڈومینی نے انڈین باؤلرز کی جم کرپٹائی کی اورسات چھکوں اورایک چوکے کی مدد سے 34گیندوں پر 68 رنزکی ناقابل شکست اننگز کھیلی ۔

ڈومینی کی اس کارکردگی کی بدولت جنوبی افریقا نے آخری اوور کی چوتھی گیند پرتین وکٹوں کےنقصان پر دوسو رنز کا ہدف حاصل کرلیا۔

ڈومینی کو شاندار کارکردگی پر میچ کےبہترین کھلاڑی کا ایوارڈ دیا گیا۔

Comments

comments

یہ بھی پڑھیں