The news is by your side.

Advertisement

تونگا میں سونامی کے بعد پیرو میں 80 بندرگاہیں بند

گزشتہ دنوں تونگا میں آنے والے سونامی کے بعد ساحل پر غیر معمولی بلند موجیں دیکھ کر حکام نے 80 بندرگاہیں بند کردی ہیں

بحرالکاہل میں واقع جزیرائی ریاست تونگا میں آنے والے سونامی کے بعد براعظم جنوبی امریکا کے مغربی کنارے پر واقع ملک پیرو میں سمندری موجیں غیر معمولی بلند ہونے کے باعث 80 بندرگاہوں کو آمدورفت کے لیے بند کردیا گیا ہے۔

مقامی میڈیا کے مطابق سونامی کے بعد بننے والی غیر معمولی بلند موجوں کے بعد حکام نے احتیاطی طور پر یہ قدم اٹھایا ہے۔

پیرو نیشنل ڈیفنس انسٹی ٹیوٹ نے دیوہیکل لہروں کے پیدا ہونے کے عمل کے جاری رہنے کی اطلاع دیتے ہوئے کہا کہ ملک کے شمالی، جنوبی اور وسطی علاقوں میں واقع 80 بندرگاہوں کو عارضی طور پر بند کیا گیا ہے۔

حکام نے سمندر کے کنارے آباد لوگوں کو ساحل سے دور رہنے کی اپیل کی ہے اور بتایا ہے کہ ماہی گیری، کھیل اور تمام تفریحی سرگرمیوں کو معطل کردیا گیا ہے۔

واضح رہے کہ تونا میں زیرسمندر آتش فشاں پھٹنے کے بعد امریکا، کینیڈا اور چلی کے لیے بھی سونامی کا انتباہ جاری کیا گیا تھا۔

Comments

یہ بھی پڑھیں