The news is by your side.

Advertisement

معروف کمنٹیٹر ٹونی کوزئیر75سال کی عمرمیں انتقال کرگئے

بارباڈوس : کرکٹ کی ایک اورآوازخاموش ہوگئی، ویسٹ انڈیزکےمعروف کمنٹیٹر ٹونی کوزئیر انتقال کرگئے.

تفصیلات کے مطابق کرکٹ کی آواز کےطورپرپہچانےجانے والے مشہور ویسٹ انڈین رائٹر، کمنٹیٹر اورصحافی ٹونی کوزئیرطویل علالت کےبعد بارباڈوس میں پچھہترسال کی عمرمیں انتقال کرگئے۔

ٹونی کوزئیرنے سترہ سال کی عمرسےکرکٹ کیلئے لکھناشروع کیا۔ دلچسپ بات یہ ہے کہ ٹونی کوزئیرنے کبھی کرکٹ نہیں کھیلی، اس کے باوجود ان کی رائے کسی سند سے کم نہیں سمجھی جاتی۔

ٹونی کوزئیرکےانتقال سےدنیائے کرکٹ میں کئی دہائیوں تک راج کرنے والی ایک اورآوازخاموش ہوگئی۔ ایک مبصر کی حیثیت سے کوزئیر نے کرکٹ کے لئےناقابل فراموش خدمات انجام دیں۔

ٹونی کوزئیر نے چالیس سالہ کیرئیر میں دوسو چھیاسٹھ ٹیسٹ کی کوریج کی۔ کوزئیرکی آوازویسٹ انڈیزکی آوازسمجھی جاتی تھی۔

ایک نفیس انسان اور کرکٹ ایکپسرٹ کے طور پر ٹونی کوزئیرشائقین کرکٹ کے دل میں ہمیشہ زندہ رہیں گے۔

 

Comments

comments

یہ بھی پڑھیں