The news is by your side.

قائد اعظم یونیورسٹی ایشیاء کی سو بہترین جامعات میں شامل

اسلام آباد: ایشیاء میں جامعات کی درجہ بندی میں پاکستان کی قائد اعظم یونیورسٹی ایشیاء کی سو بہترین جامعات میں شامل ہوگئی، جبکہ عالمی درجہ بندی میں اس کا شمار 559 ویں نمبر پر ہوتا ہے۔

تفصیلات کے مطابق ایشیاء میں جامعات کی رینکنگ میں پاکستان کے اعلیٰ تعلیمی اداروں نے بہتر کارکردگی کی بنیاد پر ترقی کی جس کی وجہ سے رواں سال کے دوران ایشیاء کی یونیورسٹی رینکنگ میں پاکستانی جامعات ابھر کر سامنے آئی ہیں۔

بہترین ایشیائی درسگاہوں کی فہرست جاری، 7 پاکستانی جامعات شامل

امریکی ادارے کی جاری کردہ رپورٹ کے مطابق پاکستان کی 10 یونیورسٹیاں ایشیا کی بہترین یونیورسٹیز میں شامل ہوگئی ہیں، رینکنگ کے اعتبار سے قائد اعظم یونیورسٹی کو اس کی تدریسی اور ریسرچ کے ماحول کی بنیاد پر 79 واں مقام دیا گیا ہے جبکہ اس قبل وہ 121-130 کے درمیان کی فہرست میں شامل تھی۔

دوسری جانب کامسیٹس انسٹی ٹیوٹ آف انفارمیشن ٹیکنالوجی نے ترقی کرتے ہوئے 141-150 کی فہرست سے نکل کر 125 ویں نمبر پر آگئی ہے، اس سال ایشیا کی بہترین یونیورسٹیز میں پاکستان کی 10 یونیورسٹیاں شامل ہیں جبکہ گزشتہ سال اس فہرست میں پاکستان کی صرف 7 یونیورسٹیاں شامل تھیں۔

پاکستان کی چھ جامعات دنیا کی ٹاپ یونیورسٹیوں میں شامل

امریکی ادارے ٹائمز ہائیر ایجوکیشن کا کہنا ہےکہ ایشیائی یونیورسٹیوں میں پاکستان کی نمائندگی میں اضافہ اچھی بات ہے، اس سال پاکستان نے اوسطا بہتر نتائج حاصل کئے ہیں، جبکہ اس سے قبل شعبے میں پاکستانی جامعات کمزور تھیں۔

یاد رہے قائد اعظم یونیورسٹی گزشتہ چند ماہ سے تنازعات کا شکار تھی اس کے باوجود بھی وہ ایشیا کے سو بہترین یونیورسٹیوں میں اپنے آپ کو شامل کرنے میں کامیاب رہی ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں