نیویارک : عالمی ادارہ برائے صحت ورلڈ ہیلتھ آرگنائزیشن کی سربراہی کے لیے فائنل کیے گئے آخری تین امیدواروں میں پاکستانی ڈاکٹر ثانیہ نشتر شامل ہیں۔
ورلڈ ہیلتھ آرگنائزیشن کے ایک سو چورانوے رکن ممالک کے درمیان ووٹنگ کے بعد عالمی تنظیم کے ڈائریکٹر جنرل کی پوسٹ کے لیے تین امیدواروں کے نام فائنل کیے گئے ۔
#EB140 voted for 3 WHO Director-General candidates to be presented to #WHA70 in May:
Dr Adhanom Ghebreyesus
Dr Nabarro
Dr Nishtar— WHO (@WHO) January 25, 2017
پاکستان کے لیے یہ انتہائی مثبت خبر ہے، فائنل کیے جانے والے ان تین ناموں میں پاکستان کی ڈاکٹر ثانیہ نشتر کا نام بھی شامل ہے جبکہ ووٹنگ کے دوران اطالوی اور فرنچ امیدواروں کو شکست کا سامنا کرنا پڑا۔
دو ہزار پانچ میں ستارہ امتیاز حاصل کرنے والی ڈاکٹر ثانیہ پی ایچ ڈی ہیں اور دو ہزار تیرہ الیکشن سے قبل کئیر ٹیکر وزیر بھی رہی ہیں۔
مزید پڑھیں : پاکستانی خاتون عالمی ادارہ صحت کے سربراہ کے لیے کامیاب امیدوار
ڈی جی، ڈبلیو ایچ او کی حتمی منظوری مئی کے آخری میں ہوگی، 70ویں اجلاس میں رکن ممالک نئے سربراہ کا انتخاب کریں گے، ورلڈ ہیلتھ اسمبلی کااجلاس 22تا 31مئی کو جنیوا میں ہوگا۔
عالمی ادارہ صحت کے نئے سربراہ یکم جولائی کو عہدہ سنبھالیں گے۔
