ممبئی: انتہا پسند ہندو جماعت بھارتیہ جنتا پارٹی بھارتی اداکارعامرخان سے تاحال نالاں ہے اورانکی عنقریب ریلیز ہونے والی فلم کو ناکام بنانے کی تیاریاں کررہی ہے۔
بی جے پی کے جنرل سیکرٹری کیلاش وجے ورگیا نے عامرخان کی فلم دنگل کی ریلیز کے موقع پرانہیں سبق سکھانے کا اعلان کیا ہے۔
اس سے قبل بی جے پی کے ایک اور رہنما رام مادھو نے عامرخان کو مشورہ دیا تھا کہ وہ اپنی اہلیہ کو بھارت کی عزت کرنا سکھائیں۔
بعد ازاں پارٹی کے جنرل سیکرٹری نے اندور میں ایک جلسے سے خطاب کرتے ہوئے کہا کہ انہوں بہت برا لگتا ہے جب کوئی انتہا پسندی کے خلاف بات کرتا ہے۔
WATCH: BJP General Secretary Kailash Vijayvargiya speaking on ‘intolerance’ https://t.co/WYpFeKc1sm
— ANI (@ANI_news) January 15, 2016
انہوں نے براہ راست نام لیتے ہوئے کہا کہ شاہ رخ خان کی ’دل والے‘ کو تو ہم سبق سکھا چکے اوراب ’’دنگل میں منگل‘‘ کرنے کا وقت ہے۔
واضح رہے کہ گزشتہ دنوں عامر خان نے نے ایک انٹرویو میں کہا تھا کہ عدم تحفظ کا خوف بھارتی معاشرے میں جڑپکڑرہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں