وفاقی حکومت نے 4 اعلیٰ افسران کے تبادلے کردیے -
The news is by your side.

Advertisement

وفاقی حکومت نے 4 اعلیٰ افسران کے تبادلے کردیے

اسلام آباد: وفاقی حکومت نے ملک کے اعلیٰ سطح کے بیورو کریٹس کے تبادلے کردیے ہیں۔ تبادلہ کیے جانے والوں میں 22 ویں گریڈ کے 4 افسران شامل ہیں۔

تفصیلات کے مطابق اعلیٰ افسران کے تبادلوں کا نوٹیفیکیشن کیبنٹ سیکریٹریٹ اسٹیبلشمنٹ ڈویژن کی جانب سے جاری کیا گیا۔

نوٹیفیکیشن کے مطابق رابعہ جویری آغا جنہیں حال ہی میں انسانی حقوق ڈویژن میں بطور سیکریٹری مقرر کیا گیا تھا، کا کلائمٹ چینج ڈویژن میں تبادلہ کردیا گیا۔

ریٹائرڈ اسکوارڈن لیڈر شاہ رخ نصرت جو اس وقت سیکریٹری ٹیکسٹائل انڈسٹری ڈویژن میں اپنی خدمات سرانجام دے رہے تھے انہیں اسٹیبلشمنٹ ڈویژن میں تعینات کردیا گیا ہے۔

سیکریٹری انڈسٹریز اینڈ پروڈکشن ڈویژن کے سیکریٹری معروف افضل کو بھی اسٹیبلشمنٹ ڈویژن میں تعینات کردیا گیا ہے۔

میری ٹائم افیئرز ڈویژن کے سیکریٹری ممتاز علی شاہ کو مذہبی امور اور بین المذاہب ہم آہنگی ڈویژن کا سیکریٹری مقرر کردیا گیا ہے۔

Comments

comments

یہ بھی پڑھیں