site
stats
کھیل

آئی سی سی نے انٹرنیشنل کرکٹرز پاکستان بھیجنے کی یقین دہانی کرادی، سیٹھی

لاہور: چیئرمین پاکستان سپر لیگ نجم سیٹھی نے کہا ہے کہ آئی سی سی نے دنیا کے بہترین غیر ملکی کرکٹرز کو ٹی ٹوئنٹی سیریز کھیلنے کے لیے پاکستان بھیجنے کی یقین دہانی کرادی ہے۔

سماجی رابطے کی ویب سائٹ ٹوئٹر پر اپنے ایک پیغام میں نجم سیٹھی کا کہنا تھا کہ جائلز کلارک نے آئی سی سی کی رپورٹ پر نظر ثانی کرتے ہوئے تین میچوں کی بین الاقوامی ٹی ٹوئنٹی سیریز کے انعقاد کی رضامندی دے دی ہے جس میں صف اول کے بین الااقوامی کرکٹرز شرکت کریں گے۔

انٹرنیشنل کرکٹ کونسل ٹاسک ٹیم کے سربراہ جائلز کلارک نے یقین دہانی کرائی ہے کہ آئی سی سی ورلڈ الیون ٹیم کو ٹی ٹوئنٹی سیریز کھیلنے کے کیے پاکستان بھیجے گی جس میں دنیا کے صف اول کے بہترین کھلاڑی شامل ہوں گے جس سے پاکستان میں انٹرنیشنل کرکٹ کی واپسی ممکن ہو گی۔

کلارک کا کہنا تھا کہ اس سیریز کا مقصد پاکستان میں بین الاقوامی کرکٹ کی واپسی اور شائقین کرکٹ کو بہترین کرکٹ دیکھنے کا موقع فراہم کرنا ہے کیوں کہ دنیائے کرکٹ کو پاکستان میں انٹرنیشنل کرکٹ کی بحالی کے سلسلے میں مدد کرنا چاہیے۔

خیال رہے کہ پاکستان کرکٹ بورڈ کی جانب سے ستمبر کے آخر میں تین ٹی ٹوئنٹی میچوں کی سیریز ہونے جا رہی ہے جس میں پاکستان کرکٹ ٹیم اور موجودہ صف اول کے غیر ملکی کھلاڑیوں پر مشتمل ورلڈ الیون کے دوسرے سے نبرد آزما ہوں گے۔

یاد رہے کہ رواں سال جنوری میں جائلز کلارک دو روزہ دورے پر پاکستان آئے تھے اور لاہور میں انٹرنیشنل کرکٹ کی تیاریوں اور حفاظتی اقدام کا معائنہ کرتے ہوئے اطمینان کا اظہار کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top