The news is by your side.

Advertisement

آرمی چیف سے مسلم لیگ ن کی اعلیٰ قیادت کی ملاقات

راولپنڈی:آرمی چیف جنرل راحیل شریف سے وزیراعلیٰ پنجاب شہباز شریف،وزیرداخلہ چوہدری نثار اور وزیرخزانہ اسحاق ڈار نے ملاقات کی جس میں ملک کی صورت حال پر تبادلہ خیال کیا گیا۔

آئی ایس پی آر کے مطابق پاک فوج کے سربراہ جنرل راحیل شریف سے وزیراعلیٰ پنجاب شہباز شریف نے آرمی ہاؤس میں ملاقات کی جس میں وفاقی وزیرداخلہ چوہدری نثار علی خان اور وفاقی وزیرخزانہ اسحاق ڈار بھی شریک تھے۔

حکومتی وفد نے آرمی چیف کو قومی سلامتی کے خلاف خبر پربریف کیا،حکومتی وفد کی جانب سے پاک فوج کے سربراہ جنرل راحیل شریف سے ملاقات شام چار سےساڑھے پانچ کے درمیان ہوئی۔

آئی ایس پی آر کےمطابق آرمی چیف جنرل راحیل شریف سے حکومتی وفد کی ملاقات میں ڈی جی آئی ایس آئی لیفٹیننٹ جنرل رضوان اختر بھی شریک تھے

یاد رہےکہ سیکورٹی سے متعلق متنازع خبر انگریزی اخبار میں چھپی تھی جس پر حکومت نے صحافی سرل المیڈا کا نام ای سی ایل میں ڈال کر نکال دیاتھا۔

مزید پڑھیں:کور کمانڈر کانفرنس، متنازع خبر قومی سلامتی کے منافی قرار

واضح رہے کہ 14اکتوبرکوآرمی چیف کی زیر صدارت کورکمانڈر اجلاس میں قومی سلامتی کے خلاف من گھڑت خبر شائع کرنے پر تشویش کا اظہار کیا گیاتھا۔

Comments

comments

یہ بھی پڑھیں