واشنگٹن: اوباما انتطامیہ نےسابق امریکی وزیر خارجہ ہیلری کلنٹن کے ذاتی ای میل اکاؤنٹ سےخفیہ معلومات بھیجے جانے کی تصدیق کردی۔ سات ای میل کو انتہائی خفیہ قرار دیتے ہوئے جاری نہ کرنے کا فیصلہ کیا گیا ہے۔
امریکی محکمہ خارجہ صدرارتی امیدوار اورسابق امریکی وزیر خارجہ ہیلری کلنٹن کے ذاتی ای میل اکاؤنٹ سے ملنے والی اہم دستاویزت کوجاری کرے گا۔ تاہم انٹیلی جنس اداروں کی جانب سے بتیس میں سے سات ای میلز کو انتہائی خفیہ قراردیئے جانے کے بعد جاری نہ کرنے کا فیصلہ کیا گیا ہے۔
خفیہ ای میلز کے حوالے سے ہیلری کلنٹن کو مقدمے کا سامنا رہا جس میں ہیلری کلنٹن کی جانب سے بارہا ای میلز کے لیے ذاتی ای میل اکاؤنٹ استعمال کرنے کی تردید کی گئی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں