اسلام آباد : پاکستان نے کورونا وائرس کے پھیلاؤ کے خطرے کے پیشِ نظر طورخم بارڈر ہر طرح کی آمدورفت کے لئے بند کردیا گیا ہے۔
تفصیلات کے مطابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر اپنے پیغام میں کہا ہے کہ کورونا وائرس کے پھیلاؤ کی روک تھام کیلیے این سی او سی کی جاری کردہ ہدایات کے مطابق طورخم بارڈر کو آج سے ہر طرح کی آمدورفت کے لئے بند کردیا گیا ہے۔
کرونا وباکے باعث این سی او سی کی جاریکردہ ہدایات کے مطابق،طورخم بارڈر کو آج (6 جولائی) سے ہر طرح کی آمدورفت کے لئے بند کردیا گیا ہے۔1/2
— Sheikh Rashid Ahmed (@ShkhRasheed) July 6, 2021
شیخ رشید کا کہنا تھا کہ پاک افغان سرحد پر طور خم امیگریشن مرکز ہر طرح کی آمدورفت کے لئے تب تک بند رہے گا، جب تک این سی او سی کی طرف سے وزارت داخلہ کو نئی ہدایات موصول نہیں ہوتیں۔
پاک – افغان سرحد پر طورخم امیگریشن مرکز ہر طرح کی آمدورفت کے لئے تب تک بند رہے گا جب تک این سی او سی کیطرف سے نئی ہدایات وزارت داخلہ کو موصول نہیں ہوتیں۔2/2
— Sheikh Rashid Ahmed (@ShkhRasheed) July 6, 2021
خیال رہے افغانستان میں کورونا کیسز میں مسلسل اضافے ہورہا ہے ، جوزارت صحت کے اعداد و شمار کے مطابق ملک میں اب تک 1،22،156 افراد کورونا سے متاثر ہوئے ہیں جبکہ ہلاکتوں کی تعداد 5،048 جا پہنچی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں