site
stats
اہم ترین

طور خم سرحد پر افغان فورسز کی فائرنگ،پاک فوجی کا اہلکار زخمی

پشاور:انٹر سروسز پبلک ریلیشنز (آئی ایس پی آر) نے کہا ہے کہ طور خم سرحد پر افغان فورسز کی فائرنگ سے پاک فوج کا ایک اہلکار زخمی ہوگیا، افغان فورسز کی جانب سے فائرنگ بلااشتعال کی گئی۔

آئی ایس پی آر کے مطابق خیبر ایجنسی کے کراسنگ پوائنٹ پر9 بج کر 20 منٹ پر افغان فورسز کی جانب سے بلااشتعال فائرنگ کی گئی ،پاک فوج کی جانب سے بھی فائرنگ کا موثر جواب دیا گیا، دو طرفہ فائرنگ وقفے وقفے سے جاری رہی۔

آئی ایس پی آر کا کہنا ہے کہ طور خم سرحد دونوں ممالک کے درمیان مصروف ترین گزر گاہ ہے ، دہشت گرد طور خم سرحد کو اکثر اوقات استعمال کرتے ہوئے پائے گئے جس کے بعد دہشت گردوں کی نقل و حرکت کو روکنے کے لیے سخت اقدامات کیے گئے ہیں، پاکستانی طور خم سرحد پر اپنی طرف گیٹ تعمیر کررہا ہے تاکہ سرحد محفوظ رہے اور دہشت گردوں کو پاکستان آنے کا موقع نہ ملے۔

یاد رہے یکم جون سے طور خم سرحد کے ذریعے پاکستانی حدود میں بغیر سفری دستاویزات کے داخلہ مکمل طور پر بند کردیا گیا ہے،افغان بارڈر حکام نے پاکستانی حکام سے اس پابندی میں رمضان المبارک کے آخر تک نرمی کا مطالبہ کیا تھا جسے پاکستانی حکام نے مسترد کردیا تھا اس وقت سے دونوں فورسز کے درمیان تعلقات میں سرد مہری پائی جاتی ہے۔

دوسری جانب حکومت پاکستان کے ترجمان نے واقعے پر رد عمل ظاہر کرتے ہوئے واقعہ پر تشویش کا اظہار کیا ہے۔ حکومتی ترجمان کا کہنا ہے کہ ایسے واقعات پاک افغان تعلقات کے لیے بہتر نہیں، افغان حکومت واقعے کی فوری اور شفاف تحقیقات کرے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top