The news is by your side.

Advertisement

استاد کا سبق یاد نہ کرنے پر آٹھویں جماعت کے طالب علم پر وحشیانہ تشدد

لاہور : ننکانہ صاحب میں نجی تعلیمی ادارے کے استاد نے سبق یاد نہ کرنے پر آٹھویں جماعت کے طالب علم کو وحشیانہ تشدد کا نشانہ بنا ڈالا، استاد طالب علم کا سر بار بار دیوار سے مارتا رہا، شکایت پر اسکول انتظامیہ نے سنگین نتائج کی دھمکیاں بھی دے دیں۔

تفصیلات کے مطابق ننکانہ صاحب کے نجی تعلیمی ادارے میں زیرتعلیم آٹھویں کلاس کے طالب علم علی شان کے والد ملک پرویز اقبال نے میڈیا کو بتایا کہ اس کے بیٹے کو سکول ٹیچر شہباز نے ریاضی کے سوال حل نہ کرنے پر وحشیانہ تشدد کا نشانہ بنایا۔

انہوں نے الزام لگایا کہ استاد دوارن تشدد اس کا سر بار بار دیوار کے ساتھ مارتا رہا جس وہ شدید زخمی ہو گیا۔

متاثرہ بچے کے والدین نے اس واقعہ کے بارے میں جب سکول انتظامیہ اور پرنسپل کو بتایا تو انہوں نے استاد کے خلاف کارروائی کرنے کی بجائے سنگین نتائج کی دھمکیاں دیں اور کہا کہ اگر آپ نے اپنے بچے کو تعلیم دلانی ہے تو خاموش ہو جاﺅ ،ان کا کوئی کچھ نہیں بگاڑ سکتا۔

متاثرہ بچے کے والدین اور رشتے دراوں نے شدید احتجاج کرتے ہوئے وزیراعلٰی پنجاب اور ڈپٹی کمشنر ننکانہ سے فوری نوٹس لینے کا مطالبہ کیا ہے۔

بچے کے والد نے اسکول مالک اور استاد کے خلاف مقدمہ کے اندراج کے لئے تحریری درخواست تھانہ سٹی ننکانہ میں جمع کرا دی ہے۔

Print Friendly, PDF & Email

Comments

comments

یہ بھی پڑھیں