The news is by your side.

Advertisement

دورہ نیوزی لینڈ، قومی اسکواڈ کو مینیجڈ آئسولیشن چھوڑنے کی اجازت مل گئی

ولنگٹن : نیوزیلینڈ میں قومی اسکواڈ آئسولیشن چھوڑنے کی اجازت مل گئی، کل 51 ارکان مینیجڈ آئسولیشن سے باہر آجائیں گے۔

تفصیلات کے مطابق کیویز سے مقابلے کےلیے نیوزی لینڈ پہنچنے والا اسکواڈ کل مینیجڈ آئسولیشن سے آزاد ہوجائے گا، حکام نے مینیجڈ قرنطنیہ چھوڑنے کی اجازت دے دی۔

نمائندہ اے آر وائی نیوز کا کہنا ہے کہ قومی اسکواڈ کے 51 ارکان آئسولیشن سے نکل کر قریبی ہوٹل پہنچے گی اور کچھ گھنٹے آرام کے بعد قومی اسکواڈ منگل کو کوئنز ٹاؤن روانہ ہوگا۔

ذرائع کا کہنا ہے کہ قرنطینہ سے نکلنے والے کھلاڑیوں اور اسٹاف پر ایس او پیز لاگو نہیں ہوں گی۔

رپورٹ کے مطابق چھٹے، نویں روز مثبت رپورٹ ہونے والے 2 ارکان آئسولیشن مدت پوری کریں گے، دونوں ارکان آئسولیشن مدت کے بعد کوئنز ٹاؤن میں اسکواڈکو جوائن کرلیں گے جبکہ قومی اسکواڈ کا ایک رکن آکلینڈ سےکوئنز ٹاؤن میں اسکواڈ کو جوائن کرے گا۔

اتوار کو 43 ارکان کے کیےگئےکورونا ٹیسٹ کی رپورٹ بھی منفی آئی تاہم تمام ارکان کا آخری ہیلتھ چیک اپ کل ہوگا۔

خیال رہے کہ نیوزی لینڈ کی وزارت صحت نے پاکستانی ٹیم کو ٹریننگ کی اجازت دینے سے انکار کر دیا تھا۔

وزارت صحت کا کہنا تھا کہ امید ہے پاک ٹیم اس مشکل فیصلے کو قبول کرے گی، نیوزی لینڈ کے وزیر صحت ڈاکٹر ایشلے بلوم فیلڈ نے کہا ہے کہ پاکستانی ٹیم میں کرونا کے کیسز ہیں جن کے پھیلنے کا خدشہ ہے۔

Comments

یہ بھی پڑھیں