رواں مالی سال کے 2 ماہ میں تجارتی خسارے میں 1.3 فیصد کمی ہوئی: ادارہ شماریات
The news is by your side.

Advertisement

رواں مالی سال کے 2 ماہ، تجارتی خسارے میں 1.3 فیصد کمی

اسلام آباد: ادارہ شماریات کا کہنا ہے کہ رواں مالی سال کے 2 ماہ(جولائی تا اگست) میں تجارتی خسارے میں 1.3 فیصد کمی ہوئی، اس دوران تجارتی خسارہ 6 ارب 17 کروڑ ڈالر رہا۔

پاکستان بیورو وشماریات کے مطابق جولائی تا اگست میں برآمدات 5.1 فیصد اضافے سے 3.66 ارب ڈالر رہی، اسی دوران درآمدات 1 فیصد اضافے سے 9.83 ارب ڈالر تک گئی۔

ادارہ شماریات کا کہنا تھا کہ اگست میں برآمدات 8.4 فیصد اضافے سے 2.02 ارب ڈالرر جبکہ اگست میں درآمدات 1.4 فیصد اضافے سے 4.99 ارب ڈالر رہی، اسی دوران تجارتی خسارہ 2.9 فیصد کم ہوکر 2.98 ارب ڈالر رہا۔

اگست کا دوسرا ہفتہ : مہنگا ئی کی شرح میں 0.41 فیصد کمی واقع ہوئی، پاکستان بیورو شماریات

واضح رہے کہ نئے مالی سال 2018-19ء کے دوسرے ماہ ( اگست 2018ء ) کے دوسرے ہفتے میں مہنگائی کی شرح میں 0.41 کی کمی ریکارڈ کی گئی تھی۔

تاہم کم آمدنی والے طبقے کے لئے قیمتوں کے حساس اعشاریئے میں 0.40فیصد کمی دیکھنے میں آئی تھی۔

واضح رہے کہ اعداد و شمار کے مطابق17 اگست کو ختم ہونے والے ہفتے کے دوران ایل پی جی ،گڑ ،لہسن ، نمک ، ویجی ٹیبل گھی، دال مونگ، چنے کی دال، دال مسور، باسمتی چاول، گندم، سرخ مرچ، بیف، مٹن، صابن، سمیت 18 اشیائے ضروریہ کی قیمتوں میں اضافہ ہوا تھا۔

Comments

comments

یہ بھی پڑھیں