The news is by your side.

Advertisement

ملکی تجارتی خسارے میں مزید اضافہ

اسلام آباد: رواں مالی سال کی پہلی سہ ماہی میں ملک کے تجارتی خسارے میں 29.7 فیصد کا اضافہ ریکارڈ کیا گیا۔

تفصیلات کے مطابق تجارتی خسارے میں مزید اضافہ ہوگیا۔ ادارہ شماریات کے مطابق جولائی سے ستمبر کے دوران ملکی تجارتی خسارے کا حجم 9 ارب 10 کروڑ ڈالر رہا ہے۔

اس عرصے میں ملکی برآمدات میں 11 فیصد جبکہ درآمدات میں 22 فیصد کا اضافہ ریکارڈ کیا گیا۔

جولائی تا ستمبر برآمدات کا حجم 5 ارب 17 کروڑ ڈالر جبکہ درآمدات کا حجم 14 ارب 20 کروڑ ڈالر رہا۔

معاشی تجزیہ کاروں کے مطابق برآمدات میں اضافہ کی کوئی واضح حکمت عملی نہ ہونے کے باعث برآمدات میں خاطر خواہ اضافہ نہیں ہوا تاہم درآمدات میں کمی کے لیے حکومت کی جانب سے غیر ضروری اشیا پر ریگولیٹری ڈیوٹی میں اضافہ کیا گیا ہے۔

دوسری جانب عالمی بینک نے بھی پیشگوئی کی ہے کہ آئندہ 2 سالوں میں پاکستان میں تجارتی خسارے میں اضافے کا رجحان برقرار رہے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں