بیجنگ: چین امریکا تجارتی جنگ کے خاتمے کے لیے دونوں ملکوں کے حکومتی اہلکار وفود کی سطح پر آج ملاقات کریں گے۔
تفصیلات کے مطابق چین اور امریکا کے درمیان کئی مہینوں سے تجارتی جنگ جاری ہے، جس کے خاتمے کے لیے دوطرفہ دلچسپی کا اظہار کیا گیا ہے۔
غیر ملکی خبر رساں ادارے کے مطابق فریقین کے درمیان مذاکرات امریکی دارالحکومت واشنگٹن میں ہوں گے، جس میں دوطرفہ تناؤں کے خاتمے اور مستقبل کے لیے لائحہ عمل پر غور کیا جائے گا۔
دوسری جانب فرانسیسی وزیرخارجہ برونولے کا کہنا ہے کہ امریکا اور چین کو چاہیے کہ وہ تجارتی تناؤ میں مزید اضافے سے باز رہیں تاکہ عالمی سطح پر نمو کا سلسلہ برقرار رہ سکے۔
ان کا مزید کہنا تھا کہ چین امریکا مذاکرات میں کوشش کی جائے کہ شفافیت اور آزادانہ تجارت کے اصولوں پر عمل درآمد کو یقینی بنایا جائے، اس سے قبل بھی کئی مذاکراتی دور ہوچکے ہیں جس میں تناؤ کے خاتمے پر خصوصی زور دیا گیا۔
چین اور امریکا کے درمیان جاری تجارتی جنگ کے خاتمے کے لیے واشنگٹن میں ہونے والے مذاکراتی دور کو چین کامیاب قرار دے چکا ہے۔
یاد رہے کہ گذشتہ ماہ امریکی صدر ڈونلڈ ٹرمپ نے امکان ظاہر کیا تھا کہ مذاکرات میں پیش رفت ہورہی ہے اور جلد معاہدہ طے پاجائے گا۔
تجارتی جنگ، چین نے امریکا میں مذاکراتی دور کامیاب قرار دے دیا
انہوں نے یہ بھی کہا تھا کہ دونوں ممالک کے درمیان مذاکرات کا سلسلہ احسن انداز میں جاری ہے، ممکن ہے دوطرفہ مفاد کو مدنظر رکھتے ہوئے جلد ایک معاہدہ ہوجائے۔