The news is by your side.

Advertisement

ٹرمپ نے چین کے ساتھ تجارتی معاہدہ طے پانے کا عندیہ دے دیا

واشنگٹن: امریکی صدر ڈونلڈ ٹرمپ نے امریکا اور چین کے درمیان کئی مہینوں سے جاری تجارتی جنگ کے خاتمے کا امکان ظاہر کیا ہے۔

تفصیلات کے مطابق امریکی صدر ڈونلڈ ٹرمپ نے چینی صدر شی جن پنگ کے ساتھ تجارتی معاہدے کا عندیہ دیا ہے، جسے جلد عملی جامع پہنایا جائے گا۔

غیر ملکی خبررساں ادارے کے مطابق جاپان میں ہونے والی جی ٹوئنٹی سمٹ میں ٹرمپ شی جن پنگ سے خصوصی ملاقات کریں گے، اس دوران تجارتی جنگ کے خاتمے کے لیے حکمت عملی ممکن ہے۔

ٹرمپ کا اپنے تازہ بیان میں کہنا تھا کہ یہ بات ممکن ہے کہ چینی صدر شی جن پنگ کے ساتھ ملاقات میں وہ ایک ایسے معاہدے پر متفق ہو جائیں جس کے بعد مزید چینی مصنوعات پر اضافی محصولات عائد نہ کرنا پڑیں۔

تجارتی جنگ کے باعث دنوں ممالک کے تعلقات ان دنوں شدید کشیدگی کا شکار ہیں، البتہ تجارتی جنگ کے خاتمے کے لیے فریقین وفود کی سطح پر ملاقاتیں بھی کرچکے ہیں۔

جی ٹوئنٹی اجلاس، امریکی صدر چینی اور روسی ہم منصب سے ملاقاتیں کریں گے

جی ٹوئنٹی سمٹ جاپان کے شہر اوساکا میں رواں ہفتے ہوگی، بیس ممالک کی یہ دو روزہ سمٹ جمعے کو شروع ہو کر ہفتے کو ختم ہوجائے گی۔

عالمی رہنماؤں نے اس سمٹ کو بین الاقوامی تعلقات کے لیے اہم قرار دیا ہے، جبکہ ٹرمپ کی چینی ہم منصب شی جن پنگ اور روسی ہم منصب ولادی میر پیوٹن سے ملاقات کو بھی اہم تصور کیا جارہا ہے۔

Comments

comments

یہ بھی پڑھیں