The news is by your side.

Advertisement

وزیراعظم عمران خان کے دورہ امریکہ سے بڑی امیدیں وابستہ ہیں، تاجر برادری

کراچی :  آل کراچی انڈسٹریل الائنس کے صدر اور سابق صوبائی وزیر میاں زاہد حسین نے کہا ہے کہ کاروباری برادری اور عوام کو وزیر اعظم عمران خان کے دورہ امریکہ سے بڑی امیدیں وابستہ ہیں۔

تاجر رہنماؤں کے وفد سے گفتگو کرتے ہوئے ان کا کہنا تھا کہ وزیر اعظم کے دورے کے نتیجہ میں دونوں ممالک کے تعلقات بہتری کی طرف جا سکتے ہیں جبکہ آئی ایم ایف اور ایف اے ٹی ایف کا سخت موقف بھی نرم ہو سکتا ہے ۔

امریکہ کا رویہ پاکستان سے بہتر ہو رہا ہے اور ایک علیحدگی پسند تنظیم کوعالمی دہشت گرد قرار دینا اسی سلسلہ کی ایک کڑی ہے۔

میاں زاہد حسین نے مزید کہا کہ وزیر اعظم کے دورے کے نتیجہ میں اگر عالمی اداروں نے کچھ نرمی اختیار کی تو عوام اور کاروباری برادری کی مشکلات میں کمی آسکتی ہے۔

دورے کے دوران مقبوضہ کشمیر کے مسئلے میں بہتری کی کوئی خاص امید نہیں کیونکہ امریکہ اور بھارت کے مابین ہنی مون چل رہا ہے جبکہ افغانستان کے متعلق معاملات مزید بہتری کی جانب بڑھ سکتے ہیں .

امریکہ اور طالبان کے مابین امن معاہدے پراہم پیش رفت پاکستان کے تعاون سے ہی ممکن ہے جس سے امریکہ افغانستان میں سالانہ50 ارب ڈالر ضائع کرنے سے بچ سکتا ہے جس کے نتیجے میں امریکی فوج کی واپسی ممکن ہو گی۔ لہٰذا پاکستان اپنی مضبوط پوزیشن سے فائدہ اٹھا سکتا ہے۔

انہوں نے کہا کہ بھارت اس دورے کے مقاصد کو سبوتاژ کرنے کی پوری کوشش کرے گا جسے لگام دینے کی پوری ذمہ داری امریکہ پر ڈالی جائے۔ دورے سے امریکہ کے ایران اور چین سے تنازعات اور خطے میں جاری تجارتی کشیدگی کے بارے میں بھی اہم پیش رفت ہو سکتی ہے کیونکہ ان سے پاکستان پر بھی اثرات پڑ رہے ہیں۔

Comments

comments

یہ بھی پڑھیں