site
stats
پاکستان

کراچی : رینجرز اختیارات ختم ہوئے 60گھنٹے گزر گئے، تاجروں کا حکومت کو 3دن کا الٹی میٹم

کراچی : رینجرز کو کراچی میں حاصل خصوصی اختیارات ختم ہوئے ساٹھ گھنٹے ہوگئے، توسیع کی سمری پر دستخط نہ ہوئے جبکہ تاجروں نے حکومت کو تین دن کا الٹی میٹم دے دیا ہے۔

تفصیلات کے مطابق کراچی میں رینجرز کو حاصل خصوصی اختیارات کی مدت ختم ہوئے دو روز ہوگئے لیکن توسیع کی سمری پر دستخط نہ ہوپائے، سندھ آل تاجراتحاد نے صوبائی حکومت کو اختیارات میں توسیع کیلئے تین دن کا الٹی میٹم دے دیا ہے۔

چیئرمین آل کراچی تاجر اتحاد عتیق میر نے الٹی میٹم دیتے ہوئے کہا کہ تین دن میں رینجرز کو اختیارات نہ ملے تو تاجر کراچی کی سڑکوں پر ہوں گے۔

گورنر سندھ محمد زبیر کا کہنا ہے کہ پر امید ہیں کہ معاملہ جلد حل ہوجائے گا، عوام چاہتے ہیں رینجرز سندھ مین کام کرتی ہے، عوامی خواہشات کے مد نظر رینجرز کو سندھ سے بلانے کا کوئی ارادہ نہیں۔

یاد  رہے کہ ہفتے کی شب حاصل خصوصی اختیارات کی مدت مکمل ہونے پر رینجرز نے اہلکاروں کو چوکیوں، ناکوں اور دیگر مقامات سے ہیڈکواٹرز بلالیا جبکہ شہر بھر میں اسنیپ چیکنگ بھی روک دی گئی ہے۔


مزید  پڑھیں : رینجرز کے خصوصی اختیارات کی مدت ختم، توسیع کا فیصلہ نہ ہوسکا


خیال رہے کہ محکمہ داخلہ سندھ نے پانچ اپریل کو وزیر اعلیٰ سندھ مراد علی شاہ کو رینجرز کے خصوصی اختیارات میں نوے روز کی توسیع کیلئے سمری ارسال کی تھی ،جو تاحال وزیر اعلیٰ کی منظوری کی راہ تک رہی ہے۔

زرائع کے مطابق گزشتہ دنوں سابق صدر آصف علی زرداری کے چار ساتھیوں کی گمشدگی پر سندھ حکومت سراپا احتجاج بنی ہوئی ہے،  جس کی وجہ سے سمری پر تاحال دستخط نہیں ہوسکے۔ 

واضح رہے کہ سندھ میں کارروائیوں پر سندھ حکومت تحفظات پر پہلے بھی رینجرز کو اختیارات دینے کا معاملہ لٹک گیا تھا، جس پروفاق کو رینجرزاختیارات کیلئے مداخلت کرنا پڑی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top