The news is by your side.

Advertisement

‘کپتان کے سامنے روایتی سیاسی مافیا ریت کی دیوار ثابت ہورہا ہے’

لاہور : حسان خاور نے اپوزیشن کو تنقید کا نشانہ بناتے ہوئے کہا کہ عدم اعتماد کا خواب دیکھنے والے مایوسی کے گہرے دلدل میں جاگرے ہیں۔

ان خیالات کا اظہار ترجمان پنجاب حکومت حسان خاور نے سینیٹ سے اسٹیٹ بینک ترمیمی بل کی منظوری کے معاملے پر اپوزیشن جماعتوں پر تنقید کے نشتر چلاتے ہوئے کیا۔

انہوں نے کہا کہ کپتان کی قیادت میں پی ٹی آئی نے سینیٹ میں بھی اپوزیشن کو دھول چٹا دی اور عدم اعتماد کا خواب دیکھنے والے مایوسی کی گہرے دلدل میں جاگرے۔

حسان خاور کا کہنا تھا کہ اپوزیشن کو ہر محاذ پر شکست فاش مل رہی ہے کیوں کہ کپتان کے سامنے روایتی سیاسی مافیا ریت کی دیوار ثابت ہورہا ہے۔

ترجمان پنجاب حکومت کا کہنا تھا کہ وزیر اعظم عمران خان کا دورہ لاہور پنجاب کی ترقی و خوشحالی کی بڑی نوید لایا ہے، وزیراعظم اور وزیراعلیٰ کی قیادت میں پہلی مرتبہ پنجاب بدل رہا ہے اور اہل پنجاب حقیقی ترقی و خوشحالی کا مشاہدہ کررہے ہیں۔

Comments

یہ بھی پڑھیں