The news is by your side.

Advertisement

دو ٹریفک حادثات میں 10 افراد جاں بحق متعدد زخمی

مانسہرہ/چیچہ وطنی: مانسہرہ میں تیز رفتار وین گہری کھائی میں گرنے سے 8 افراد ہلاک، جبکہ چیچہ وطنی میں کار اور بس کے تصادم کے نتیجے میں 2 افراد ہلاک ہوگئے۔

تفصیلات کے مطابق تحصیل اوگی کے مقام پر مسافر وین تیز رفتاری کے باعث بے قابو ہوکر کھائی میں جاگری جس کے ننتیجے میں 8 مسافر جاں بحق اور متعدد زخمی ہوگئے۔ جاں بحق ہونے والوں میں 2 خواتین اور 3 بچے بھی شامل ہیں۔

مسافر بس اوگی سے پلئی جارہی تھی کہ دربند روڈ کے قریب حادثے کا شکار ہوئی ، بس میں 22 افراد سوار تھے ، زخمیوں اور جاں بحق افراد کو قریبی ہسپتال متقل کردیاگیا ۔

دوسری جانب پنجاب کے علاقے چیچہ وطنی میں جی ٹی روڈ پر کار اور بس میں تصادم کے نتیجے میں 2 افراد جاں بحق اور چار افراد زخمی ہوگئے ، زخمیوں اور میتیوں کو قریبی ہسپتال منتقل کردیا گیا۔

پولیس ذرائع کے مطابق دونوں حادثے تیز رفتاری کے سبب پیش آئے ہیں۔

Comments

comments

یہ بھی پڑھیں