The news is by your side.

Advertisement

بھکر، ٹریفک حادثہ، 7 افراد جاں بحق اور 8 زخمی

بھکر: بھکرمیں مسافر بس اور رکشے کے درمیان خوفناک تصادم کے نتیجے میں 7 افراد جاں بحق جب کہ 8 افراد زخمی ہو گئے ہیں۔

تفصیلات کے مطابق ضلع بھکر کے علاقے دریا خان میں حسن شاہ چوک کے قریب تیزرفتارمسافر بس اور رکشے کے درمیان ہولناک تصادم کے نتیجے میں 2 خواتین سمیت 7 افراد جاں بحق جب کہ 8 افراد زخمی ہو گئے ہیں۔

ریسکیو ادروں نے جائے وقوعہ پر پہنچ کر ابتدائی کاموں کا آغازکردیا ہے اور بس اور رکشے میں جاں بحق و زخمی ہونے والے افراد کو ایمبولینس کے ذریعے قریبی اسپتال منتقل کردیا جہاں زخمیوں کو طبی امداد دی جا رہی ہے۔

اسپتال انتظامیہ کا کہنا ہے کہ حادثے کا شکار ہونے والے پندرہ افراد کو لایا گیا جن میں 7 افراد راستے میں ہی دم توڑ گئے تھے جب کہ دیگر 8 افراد کو طبی امداد دی جا رہی ہے جن میں سے بعض کی حالت نازک ہے۔

عینی شاہدین کا کہنا ہے کہ حادثہ اس وقت پیش آیا جب تیز رفتار مسافر بس اچانک سامنے آنے والی موٹرسائیکل کو بچاتے ہوئے بے قابو ہو گئی اور رکشے سے جا ٹکرائی۔

پولیس کا کہنا ہے کہ حادثے سے ابتدائی شواہد جمع کر لیے ہیں اور مسافر بس کا ڈرائیور جو موقع فرار ہو گیا ہے کی تلاش میں چھاپے مارے جا رہے ہیں جب کہ زخمی افراد کے بیانات صحت یابی کے بعد قلم بند کیے جائیں گے۔

Print Friendly, PDF & Email

Comments

comments

یہ بھی پڑھیں