پنجاب کے مختلف شہروں میں ٹریفک حادثات، 4 افراد جاں بحق: Accident
The news is by your side.

Advertisement

پنجاب کے مختلف شہروں میں ٹریفک حادثات، 4 افراد جاں بحق

لاہور: پنجاب کے مختلف شہروں میں ٹریفک حادثات کے نتیجے میں 4 افراد جاں بحق اور 8 زخمی ہوگئے۔

تفصیلات کے مطابق ٹریفک حادثات پنجاب کے شہر اٹک اور لاہور میں پیش آئے جس کے باعث چار افراد زندگی کی بازی ہار گئے، جبکہ زخمی 8 افراد کو اسپتال منتقل کردیا گیا۔

ریسکیو حکام کا کہنا ہے کہ اٹک کے علاقے فتح جنگ راولپنڈی کوہاٹ روڈ پر کار اور ٹریلر میں ٹکر ہوئی، اس حادثے میں 2 افراد جاں بحق اور 7 زخمی ہوگئے۔

حکام کے مطابق زخمیوں کو اسپتال منتقل کردیا گیا ہے جہاں انہیں طبی امداد فراہم کی جارہی ہے۔

کراچی، آئل ٹینکرز اور وین میں تصادم، 2 افراد ہلاک

دوسری جانب لاہور میں مانگامنڈی کے علاقے میں 5 گاڑیاں آپس میں ٹکرا گئیں جس کے نتیجے میں 2 افراد جاں بحق اور ایک شخص زخمی ہوگیا۔

علاوہ ازیں شہر قائد کے علاقے گلشن حدید میں ڈیزل سے بھرے 2 ٹینکر اور وین میں تصادم ہوا جس کے نتیجے میں 2 افراد جاں بحق ہوگئے۔

خیال رہے کہ حادثے کے نتیجے میں چار افراد زخمی ہوئے جن میں سے دو اسپتال منتقل ہونے سے قبل ہی چل بسے، ٹینکر الٹنے کے باعث سڑک پر ڈیزل پھیل گیا۔

Comments

comments

یہ بھی پڑھیں