The news is by your side.

Advertisement

کراچی سے پنجگور جانے والی مسافر بس کو حادثہ،8 افراد ہلاک 25 زخمی

پنجگور: کراچی سے پنجگور جانے والی مسافربس تیز رفتاری‌کے باعث کھائی میں جا گرنے سے 8 افراد ہلاک اور 25افراد زخمی ہو گئے‌ ہیں۔

تفصیلات کے مطابق بلوچستان کے علاقے پنجگور جانے والی مسافر بس نواحی دوران سفر ایک موڑ کاٹتے ہوئے گہری کھائی میں جا گری،حادثے میں 8 افراد ہلاک اور 25 افراد زخمی ہو گئے،ہلاک و زخمی ہونے والوں میں بچے اور خواتین بھی شامل ہیں۔

حادثے کے فوری بعد ریسکیو ٹیمیں جائے وقوعہ پر پہنچ گئیں،بس میں پھنسے مسافروں کو کھائی سے نکال کر ہسپتال پہنچایا گیا،جہاں ڈاکٹرز نے 8 افراد کے ہلاک ہونے کی تصدیق کردی،جس کے بعد میتوں کو ایمبولینس کے ذریعے اُن کے آبائی علاقوں میں منتقل کیا جا رہا ہے۔

افسوسناک واقعے میں زخمی ہونے والے 25افراد میں سے 15 مسافروں کی حالت تشویشناک بتائی جارہی ہے،جنہیں فوری طبی امداد دی جارہی ہیں،حادثے کی اطلاع ملتے ہی مسافروں کے اہلِ خانہ ہسپتال پہنچ گئے ہیں۔

اس موقع پر زخمیوں نے بتایا کہ حادثہ ڈرائیور کی تیز رفتاری کے باعث پیش آیا، ایک موڑ کاٹتے ہوئے وہ بس پر قابو نہیں رکھ سکا،جس کے باعث بس کھائی میں جا گری۔

دوسری جانب سندھ کے علاقے خیرپور میں رانی پور کے قریب دو مسافر بسوں کے درمیان تصادم سے ایک مسافر ہلاک اور 10 افراد زخمی ہیں،جن میں 3 افراد کی حالت نہایت تشویشناک ہے۔

Comments

comments

یہ بھی پڑھیں