لاہور: پی ایس ایل فائنل کے لئے ٹریفک پولیس کا ٹریفک ایڈوائزی پلان تیار کر لیا گیا ہے، موٹرسائیکل اورآٹورکشہ کا پارکنگ ایریا میں داخلہ ممنوع ہوگا۔
تفصیلات کے مطابق 5 مارچ کے قریب آتے ہی پاکستان سپر لیگ کے جنون میں دن بدن اضافہ ہو رہا ہے، سیکیورٹی معاملات ، ٹکٹوں کی خرید وفروخت اورٹریفک کی منصوبہ بندی نے اس معرکہ کے جوش و خراش میں مزید اضافہ کردیا ہے.
مزید پڑھیں:پی ایس ایل فائنل: فوجی جوانوں نے قذافی اسٹیڈیم کی سیکیورٹی کا جائزہ لیا
پی ایس ایل فائنل کے لئے ٹریفک پولیس کا ٹریفک ایڈوائزی پلان تیار کرلیا گیا ہے، گاڑیوں کی پارکنگ کے لئے جگہیں مختص کردی گئی ہیں، مغل پورہ،مال وجیل روڈ، نہروالی ٹریفک کے لئے ایف سی کالج میں پارکنگ ہوگی.
مزید پڑھیں:پی ایس ایل فائنل کےٹکٹوں کےلیےدوسرے روزبھی بینکوں کےباہر قطاریں
مزنگ، اچھرہ اوروحدت روڈ ٹریفک کے لئے مسلم ٹاؤن فلائی اوورکے نیچےپارکنگ ہوگی۔ کاہنہ‘ کوٹ لکھپت اورماڈل ٹاؤن کے ٹریفک کے لئے لبرٹی مارکیٹ میں پارکنگ ہوگی.
کینٹ اورگلبرگ کےٹریفک کے لئے ایل ڈی اے پارکنگ پلازہ مختص کردی گئی ہیں، جبکہ والٹن، ڈیفنس روڈ سے آنے والی گاڑیوں کے لئے لبرٹی مارکیٹ پارکنگ مختص ہیں.
مزید پڑھیں:پی ایس ایل فائنل: اسٹیڈیم کے اطراف گیس کی فراہمی بند
دوسری جانب موٹرسائیکل اورآٹو رکشوں کا پارکنگ ایریا میں داخلہ ممنوع ہوگا۔
واضح رہے حکومت پنجاب نے آمدورفت کے لئے متبادل روٹس مقررکیے گئے ہیں، کینال روڑ، شاہ جمال روڑ اور طہور الہی روڑ ٹریفک کے لئے کھلے ہوں گے، کورٹ لکھپت سے کینٹ اور مغل پورہ جانے کے لئے والٹن روڑ استعمال کیا جائے گا، فردوس مارکیٹ، حسین چوک ، ایم ایم عالم روڑ، صدیق ٹریڈ سینٹرٹڑیفک جا سکے گی، فوارہ نمبر 01 ، صدیق ٹریڈ سینٹر جیل روڑ تا قرطبہ چوک عام ٹریفک کے لئے کھلا ہوگا.
