The news is by your side.

Advertisement

انسانی ہمدردی، ٹریفک پولیس اہلکار نے بزرگ شہری کو پیٹھ پر بیٹھا کر سڑک پار کرائی، ویڈیو وائرل

بیجنگ: سوشل میڈیا پر انسانی ہمدردی سے متعلق ایسے دلکش واقعات کی ویڈیوز سامنے آتی ہیں جنہیں دیکھ کر صارفین داد دیے بغیر نہیں رہ سکتے اسی طرح کا واقعہ چین کے جنوبی شہر کی اہم شاہراہ پر پیش آیا۔

دنیا میں ایسے انسانیت پسند لوگ موجود ہیں جن کی اچھی عادات کو ہر کوئی پسند کرتا ہے اور انہیں اپنانے کی بھی کوشش کرتا ہے، عام طور پر والدین ، اولاد اور دوستوں کے ساتھ ایسی مثالیں قائم ہوتی ہیں۔

مگر سوشل میڈیا پر وائرل ہونے والی 54 سیکنڈ ویڈیو نے لوگوں میں ایک نیا جذبہ بیدار کردیا، اطلاعات کے مطابق یہ واقعہ چین کے جنوب مغربی علاقے میں پیش آیا جہاں ایک معمر شہری سڑک پار کرنے کی کوشش کررہا تھا۔

ویڈیو میں دیکھا جاسکتا ہے کہ سگنل رکتے ہی شہری زیبرا کراسنگ پر پہنچا اور اُس نے سڑک پار کرنے کی کوشش کی مگر ضعیف العمری کی وجہ سے وہ تیز چلنے سے قاصر تھا۔

اسی دوران وہاں تعینات ٹریفک پولیس اہلکار بزرگ شہری کی طرف گیا اور اُس نے مختصر بات چیت کے بعد انہیں پیٹھ (پشت) پر بیٹھا کر سڑک پار کروائی تاکہ معمر شہری کو کسی قسم کا کوئی حادثہ پیش نہ آجائے۔

پولیس اہلکار کی شناخت کوئین ویجی کے نام سے ہوئی جو سچون تھانے میں تعینات ہے اور گزشتہ کئی ماہ سے اسی اشارے پر اپنی ڈیوٹی سرانجام دے رہا ہے۔

سوشل میڈیا صارفین نے اہلکار کے اس انسانی ہمدردی کے جذبے کو سراہا اور اُسے شاندار الفاظ میں خراج تحسین بھی پیش کیا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں