کراچی : ٹریفک پولیس افسر نے لائیو مناظر اور اصل حقائق دکھانے کے لیے دیے گئے جدید ٹیکنالوجی سے مزین باڈی کیم کو ماموں بنا دیا۔
تفصیلات کے مطابق کراچی میں جناح اسپتال کے قریب ٹریفک پولیس افسر روٹین چیکنگ پر تھا ، افسر نے باڈی کیم سینے پر لگانے کے بجائے کمر کے ساتھ لگا دیا۔
اہلکار کی جانب سے کئی روز سے کیمرے کی پوزیشن یہی ہے، لائیو مانیٹرنگ کے باوجود اہلکار کا کیمرہ درست نہ کروایا جاسکا۔
خیال رہے فوری مناظر ریکارڈ کرنے کے لیے بھاری بجٹ سے کیمرے خریدے گئے ، سینے پر مخصوص جگہ باڈی کیم لگانے کے احکامات جاری ہوئے تھے، جس کا مقصد اصل حقائق اور لائیومناظر آواز کے ساتھ ریکارڈ کرنا تھا۔
خیال رہے سندھ ہائی کورٹ نے ٹریفک پولیس کو کراچی بھر میں گاڑیوں میں رنگ برنگے شیشوں، سائرن، گھومنے والی لائٹس، ہوٹرز اور غیر مجاز نمبر پلیٹس کے استعمال کے خلاف کارروائی کرنے کی ہدایت کی تھی ، جس کے بعد اب ٹریفک پولیس متحرک ہوگئی۔ ہے۔
