The news is by your side.

Advertisement

کراچی: پولیس کی ناقص حکمت عملی کے باعث شدید ٹریفک جام

کراچی: چپ تعزیہ کے اختتامی جلوس کے باعث کراچی میں ٹریفک پولیس کی ناقص حمکت عملی سے مختلف شاہراہوں پر ٹریفک جام رہا۔

تفصیلات کے مطابق کراچی میں چپ تعزیے کے جلوس کے باعث مختلف شاہراہوں پر بد ترین ٹریفک جام ہوگیا۔ لوگوں اور بچوں کو اسکول اور دفاتر پہنچنے میں شدید مشکلات کا سامنا رہا اور لوگ کئی کئی گھنٹے ٹریفک میں پھنسے رہے۔

متبادل روٹس کے اعلان کے باوجود ٹریفک پولیس سڑکوں پر بے ہنگم ٹریفک روکنے میں ناکام رہی جس سے شاہراہ فیصل، آئی آئی چندریگر روڈ، ٹاور سمیت دیگر شاہراہوں اور علاقوں میں ٹریفک کا دباؤ رہا اور مذکورہ علاقوں اور ملحقہ سڑکوں پر مختلف اوقات میں بدترین ٹریفک جام دیکھنے میں آیا۔

واضح رہے کہ آج قصر مسیب سے چپ تعزیہ کا آخری جلوس دوپہر میں برآمد ہوگا جو اپنے روایتی راستوں سے ہوتا ہوا مارٹن روڈ پر واقع امام بارگاہ شاہ نجف پہنچ کر اختتام پذیر ہوگا۔

جلوس کے لیے سخت سیکیورٹی انتظامات کیے گئے ہیں اور اطراف کی سڑکوں کو کنٹینرز، بسیں اور دیگر رکاوٹیں کھڑی کر کے سیل کر دیا گیا ہے۔

جلوس کے ساتھ پولیس کے 4 ہزار 8 سو 88 اہلکاروں کے علاوہ رینجرز کی بھاری نفری بھی موجود ہے۔ بلند عمارتوں پر اسنائپر شوٹرز تعینات ہیں اور بم ڈسپوزل اسکواڈ کی تین ٹیمیں جلوس کے راستوں کی سوئپنگ کر رہی ہیں۔

Print Friendly, PDF & Email

Comments

comments

یہ بھی پڑھیں