The news is by your side.

Advertisement

پاکستان بمقابلہ آسٹریلیا پہلا ون ڈے: ٹریفک پلان جاری

لاہور: پاکستان اور آسٹریلیا کے درمیان 3 ون ڈے میچز کی سیریز کے پہلے میچ کے لیے ٹریفک پلان جاری کردیا، دونوں ٹیمیں 29، 31 مارچ اور 2 اپریل کو لاہور کے قذافی اسٹیڈیم میں مدمقابل ہوں گی۔

تفصیلات کے مطابق پاکستان اور آسٹریلیا کے درمیان ون ڈے سیریز کے لیے ٹریفک پلان جاری کردیا گیا، چیف ٹریفک پولیس آفیسر (سی ٹی او) منتظر مہدی کا کہنا ہے کہ گورنمنٹ بوائز کالج گلبرگ میں شائقین کی گاڑیاں پارک ہوں گی۔

سی ٹی او کا کہنا ہے کہ شائقین لبرٹی پارکنگ ایریا میں بھی گاڑیاں پارک کر سکیں گے، اسٹیکرز والی گاڑیاں الحمرا کمپلیکس اور جمنازیم کمپلیکس میں پارک ہوں گی۔

انہوں نے کہا کہ شائقین کی گاڑیاں براستہ سینٹر پوائنٹ پارکنگ ایریا میں داخل ہوں گی، 975 ٹریفک اہلکار روٹ ڈیوٹی سر انجام دیں گے۔

خیال رہے کہ آسٹریلوی کرکٹ ٹیم 23 سال بعد پاکستان کا دورہ کر رہی ہے، دونوں ٹیموں کے درمیان 3 ٹیسٹ میچز، 3 ون ڈیز اور 1 ٹی 20 میچ کھیلا جا رہا ہے۔

ون ڈے میچز 29، 31 مارچ اور 2 اپریل کو لاہور کے قذافی اسٹیڈیم میں کھیلے جائیں گے۔

Comments

یہ بھی پڑھیں