site
stats
سندھ

ماہ رمضان کے لیے کراچی ٹریفک پولیس نے پلان تیار کرلیا

کراچی: رمضان المبارک میں ٹریفک کی بلا تعطل روانی کو برقرار رکھنے کے لیے ٹریفک پولیس نے کراچی کے لیے منصبہ بندی تیار کر لی۔

تفصیلات کے مطابق ماہ رمضان میں شہریوں کو مشکلات سے نجات دلانے کیلئے کراچی میں ٹریفک پلان مرتب کرلیا گیا ہے، تاکہ کراچی کے شہری بغیر کسی ٹریفک جام میں پھنسے گھروں کوافطار سے پہلے پہنچ سکیں۔

ٹریفک پلان کے مطابق شہر کی اہم شاہراہوں پر مزید 13 سو اہلکار تعینات کیے جائیں گے، جن کی مدد کے لیے 600 سٹی وارڈن اور اسکاؤٹس بھی موجود ہو ں گے۔

ٹریفک پولیس نے تاکید کی ہے کہ وہ دوپہر 2 بجے سے رات 8 بجے تک واپسی کے لئے لیاری ایکسپریس استعمال کریں، اس سلسلے میں لیاری ایکسپریس وے پر ماری پور سے سہراب گوٹھ تک ٹریفک مخالف سمت میں چلایا جائے گا۔

ہنگامی طور پر سڑکوں پر رش کے اوقات میں شہر کے 189 مقامات پر 474 ٹریفک پولیس اہلکار تعینات کیے جائیں گے،جس کو ممکن بنانے کے لیے شہریوں کی سہولت کے لئے ٹریفک پولیس اہلکاروں کی چھٹیاں منسوخ کردی گئی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top