The news is by your side.

Advertisement

گرفتاری کا خوف، سینکڑوں شہری لائسنس بنوانے پہنچ گئے،حکومت کی ایک ماہ کی توسیع

کراچی: ٹریفک پولیس آج سے خصوصی مہم کے دوران ڈرائیونگ لائسنس کی چیکنگ کا عمل شروع کررہی ہے، گرفتاری کے خوف سے سینکڑوں شہری لائسنس بنوانے پہنچ گئے ، جسکے باعث ڈرائیونگ لائسنس برانچ کلفٹن، ناظم آباد اور کورنگی میں شہریوں کا شدید رش ہے، صورتحال کے پیش نظر حکومت نے ایک ماہ کی مہلت دے دی۔

تینوں برانچ پر شہریوں کی ہنگامہ آرائی جبکہ دیوار پھلانگ اندر جانے کیلئے دروازے بھی توڑ ڈالے، صورتحال پر قابو پانے کیلئے رینجرز کو طلب کر لیا گیا ہے، ناظم آباد لائسنس برانچ پر فارم بھی ختم ہوگئے.

مہم کے پہلے مرحلے میں کمرشل گاڑیوں کے ڈرائیورز کے لائسنس کی تصدیق کی جائیگی، ٹریفک پولیس حکام نے نجی گاڑیوں کے ڈرائیورز کو مطلع کیا ہے کہ وہ اپنے لائسنس پندرہ دن کےاندر بنوالیں جبکہ جعلی ڈرائیونگ لائسنس رکھنے والے ڈرائیورز کو فوری جیل بھیج دیا جائے گا۔

ڈی آئی جی ٹریفک کیجانب سےاس سےپہلے بغیر ہیلمٹ موٹر سائیکل چلانےوالوں کیخلاف سخت کارروائی کا اعلان کیا گیا تھا جبکہ اسکول وینز سے سی این جی سلینڈر ہٹانے اور وینز پر پیلا رنگ کرنے کا حکم بھی دیا گیا تھا.

Print Friendly, PDF & Email

Comments

comments

یہ بھی پڑھیں