کراچی / لاہور: گزشتہ روز مذہبی جماعت کے مظاہروں کی وجہ سے بند ہونے والی ہائی ویز اور موٹر ویز کھولنے کا سلسلہ جاری ہے، کراچی میں تمام سڑکیں کھول دی گئیں جبکہ لاہور میں ہائی ویز تاحال مختلف مقامات سے بند ہیں۔
تفصیلات کے مطابق گزشتہ روز مذہبی جماعت کے مظاہروں کی وجہ سے بند ہونے والے راستےکھولے جارہے ہیں، صوبہ سندھ کے دارالحکومت کراچی کے مختلف مقامات پر ٹریفک بحال کیا جارہا ہے۔
ایس ایس پی ملیر کا کہنا ہے کہ اسٹار گیٹ کو ٹریفک کے لیے کھول دیا گیا ہے جبکہ آئی آئی چندریگر روڈ کو بھی ٹریفک کے لیے کھول دیا گیا۔
ان کے مطابق حسن اسکوائر پر بھی ٹریفک کی روانی بحال کردی گئی ہے۔
دوسری جانب صوبہ پنجاب کے دارالحکومت لاہور میں گزشتہ روز احتجاج کے باعث بلاک ہونے والی موٹر ویز کو کھول دیا گیا ہے، ہائی ویز کو بھی مختلف 6 مقامات سے کھول دییا گیا ہے۔
Dear Commuters,
Please note the current status of Motorways.
Best Regards
National Highways & Motorway Police pic.twitter.com/irvn8qYoP3— National Highways & Motorway Police (NHMP) (@NHMPofficial) April 13, 2021
ذرائع کے مطابق ہائی ویز کے 15 مختلف مقامات احتجاج کے باعث تاحال بلاک ہیں۔
