The news is by your side.

Advertisement

کیا 3 بہادر مشکل میں پڑ گئے؟

کراچی: وادی اینیمیشن اور اے آر وائی فلمز کی مشترکہ پیشکش اینی میٹڈ فلم ’3 بہادر ۔ ریوینج آف بابا بالم‘ کا ٹریلر جاری کردیا گیا ہے۔

کراچی کے نجی سینما میں ’تین بہادر‘ کے ٹریلر لانچنگ کی تقریب ہوئی جس میں شوبز کی معروف شخصیات نے شرکت کی۔ فلم کی کریٹیو ڈائریکٹر اکیڈمی ایوارڈ یافتہ شرمین عبید چنائے ہیں۔

تین بہادر 3 ایسے باہمت بچوں کی کہانی ہے جو ایک ایسے محلے میں رہتے ہیں جو جرائم کا گڑھ ہے۔ ناقابل یقین سپر پاورز کی مدد سے یہ تین بچے اپنے معاشرے کو جرائم پیشہ عناصر کے شر سے نجات دلاتے ہیں۔

3-bahadur-1

فلم کے کرداروں میں سعد، کامل اور آمنہ کے ساتھ ایک مٹھو بھی ہے جو دوستوں کے ساتھ مل کر ہر مشکل کا سامنا کرتا ہے۔

تاہم اب ان کا دشمن بابا بالام ان سے بدلہ لینے کے لیے برائی کی قوتوں کا بھرپور استعمال کررہا ہے جس سے یہ بچے تھوڑی مشکل میں نظر آ رہے ہیں۔

baba-baalam

فلم کے ٹریلر کو دیکھ کر یوں لگ رہا ہے جیسے 3 بہادروں میں پھوٹ پڑ گئی ہے اور یہ ایک دوسرے سے خفا ہوگئے ہیں۔

3-bahadur-2

حتیٰ کہ ان کا مٹھو بھی ان سے مایوس نظر آرہا ہے۔

parrot

تین بہادر کے سیکوئل میں اداکار بہروز سبزواری، اداکارہ ثروت گیلانی، احمد علی بٹ، زیبا شہناز، علی گل پیر اور معروف اداکار فہد مصطفیٰ آواز کا جادو جگا رہے ہیں۔

آمنہ، سعدی اور کامل کی بہادری کی داستان پر مبنی یہ فلم 15 دسمبر کو سینما گھروں کی زینت بنے گی۔

واضح رہے کہ شرمین عبید چنائے کی ہدایت کاری میں بننے والی یہ فلم پاکستان کی پہلی اینی میٹد فلم تھی جسے ملک بھر میں نہ صرف بچوں بلکہ بڑوں میں بھی بھرپور پذیرائی ملی۔

Comments

comments

یہ بھی پڑھیں