The news is by your side.

Advertisement

ٹرین حادثہ؛ جاں بحق 9 افراد کی شناخت تاحال نہ ہو سکی

گھوٹکی میں گزشتہ روز پیش آنے والے المناک ٹرین حادثے میں جاں بحق 9 افراد کی شناخت تاحال ‏نہیں ہو سکی۔

ڈپٹی کمشنر کے مطابق شناخت نہ ہونے والی 9 لاشیں رحیم یارخان کے سردخانے میں موجود ہیں ‏اور لواحقین اپنے پیاروں کی شناخت کے لیے سردخانے آ سکتے ہیں۔

دو ٹرینوں کےٹکرانے کے نتیجے میں 66 افرادلقمہ اجل بنےتھے۔ جاں بحق ہونے والوں میں ‏‏16بچے، 19خواتین اور 31مرد شامل ہیں۔

جاں بحق 57 افراد کی لاشیں شناخت کے بعد ورثا کےحوالےکر دی گئی ہیں اور لواحقین میتیں لے ‏کر آبائی علاقوں میں روانہ ہو گئے ہیں۔

حادثے کے 35 گھنٹے بعد متاثرہ اپ ڈاؤن ٹریک بحال کر دیا گیا۔ سندھ اور پنجاب کے مختلف ‏اسٹیشنز پر کھڑی گاڑیوں کو روانہ کیا گیا۔

وفاقی وزیرریلوے اعظم سواتی نے شیخ زید اسپتال میں میڈیا سے گفتگو کرتے ہوئے کہا کہ انسانی ‏جانوں سےکھیلنےوالوں کونشان عبرت بنائیں گے، ریلوےحکام کی غفلت سےحادثےپرحادثہ ہوا۔

اعظم سواتی کاکہنا تھا کہ ریلوےکےکرپٹ افسران کےخلاف جہادکااعلان کردیاہے ، کرپشن کے ‏خلاف جاری جہادکو انجام تک پہنچاؤں گا، عملے کی بجائے ذمہ دارافسران کے خلاف کارروائی ‏ہوگی۔

Comments

یہ بھی پڑھیں