کیلی فورنیا: لاس اینجلس کے محکمہ پولیس نے سماجی رابطے کی ویب سائٹ پر ایک ویڈیو شیئر کی جس میں ڈرائیور کی غفلت کی وجہ سے ہولناک حادثہ پیش آیا۔
محکمہ پولیس کی جانب سے شیئر کردہ ویڈیو میں دیکھا جاسکتا ہے کہ ڈرائیور نے جیسے ہی اپنی گاڑی کو پٹریوں کی طرف موڑا تو سامنے سے تیز رفتار ٹرین آگئی۔
محکمۂ پولیس نے آگاہی کے حوالے سے شیئر کی جانے والی ویڈیو کے ساتھ لکھا کہ ڈرائیور حضرات گاڑی چلاتے وقت تحمل کا مظاہرہ کریں اور مکمل ہوش و ہواس میں گاڑی چلائیں تاکہ کسی بھی خوفناک حادثے سے بچا جاسکے۔
ٹرین کی زد میں آنے والی گاڑی کا اگلا حصہ مکمل طور پر تباہ ہوگیا، خوش قسمتی سے ڈرائیور خود کو بروقت گاڑی سے باہر نکالنے میں کامیاب ہوگیا تھا جس کی وجہ سے اُسے معمولی چوٹیں آئیں۔
This could’ve had a tragic outcome. Fortunately the driver survived with minor injuries, but this should serve as a good reminder to all of us — pay attention near train tracks, and always obey all traffic signals and devices. pic.twitter.com/udDSkeDTPn
— LAPD HQ (@LAPDHQ) March 5, 2020
محکمہ پولیس نے لکھا کہ ٹرین کی پٹریوں کو پار کرتے وقت خصوصی خیال رکھنا ضروری ہے بصورت دیگر کوئی بڑا حادثہ پیش آسکتا ہے۔
