The news is by your side.

Advertisement

مال گاڑی کی مسافربس کوٹکر،4افراد جاں بحق

پتوکی: صوبہ پنجاب کے شہر قصور کے نواح میں مال گاڑی کی مسافر بس کو ٹکر کے نتیجے میں 4افراد جاں بحق اور 15 سے زائدافراد زخمی ہو گئے۔

تفصیلات کے مطابق قصور کے نواح میں حادثہ پھاٹک کھلاہونےکی وجہ سے اس وقت پیش آیا جب مسافر بس پتوکی لنڈاپھاٹک پر ٹریک کے بیچ میں آگئی اور لاہور سے کراچی جانے والی مال گاڑی سے ٹکرا گئی۔

حادثے کے فوری بعد زخمیوں کو قریبی اسپتال منتقل کیا گیا جہاں 4افرادجان کی بازی ہار گئے۔ریسکیو ذرائع کے مطابق حادثے میں 19 سے زائد افراد زخمی ہوئے ہیں۔

مزید پڑھیں: ملتان: مسافر ٹرین مال گاڑی سے ٹکرا گئی، 5 افراد جاں بحق

یاد رہے کہ گزشتہ ماہ ملتان میں بچھ ریلوے اسٹیشن پر مسافر ٹرین مال گاڑی سے ٹکرا گئی تھی۔حادثے میں 5 افراد جاں بحق اور درجنوں زخمی ہوگئے تھے۔

وفاقی وزیر ریلوے خواجہ سعد رفیق نے واقعے پر رنج کا اظہار کرتے ہوئے 72 گھنٹوں کے اندر تحقیقات مکمل کر کے رپورٹ پیش کرنے اور میتیں منتقل کرنے کے انتظامات کی ہدایت کی تھی۔

وزیر اعظم نواز شریف نے بھی ملتان ٹرین حادثے پر اظہار افسوس کرتے ہوئے حکام کو زخمیوں کو بہترین طبی سہولیات فراہم کرنے کی ہدایت کی تھی۔

Comments

comments

یہ بھی پڑھیں