The news is by your side.

Advertisement

گھوٹکی ٹرین حادثہ ، ٹرین آپریشن بری طرح متاثر

کراچی : گھوٹکی حادثے کے بعد ٹرین آپریشن تعطل کا شکار ہے ، کراچی سےاندرون ملک جانے والی 14ٹرینوں کی روانگی منسوخ کردی گئی۔

تفصیلات کے مطابق گھوٹکی ٹرین حادثہ کے باعث ٹرین آپریشن بری طرح متاثر ہے ، کراچی سےاندرون ملک جانے والی 14ٹرینوں کی روانگی جبکہ پشاور سے لاہور اور راولپنڈی سے کراچی آنے والی 8 ٹرینوں کی روانگی منسوخ کردی گئی۔

پشاور سےکراچی آنے والی خیبر میل، راولپنڈی سے گرین لائن ، لاہورسے پاک بزنس ایکسپریس ، کراچی ایکسپریس ، قراقرم ایکسپریس، جناح ایکسپریس اور سرگودھا سے ملت ایکسپریس منسوخ کی گئی۔

ترجمان ریلوے کا کہنا ہے کہ ٹرینوں کی منسوخی تکنیکی بنیادوں پرصرف آج کےلئےکی گئی ہے ، کنفرم ٹکٹ رکھنے والے مسافروں کو 100 فیصد ری فنڈکیا جائے گا جبکہ ٹکٹ کرانے والے مسافرریزرویشن آفس سے ری فنڈ لیں۔

ٹرینوں کی منسوخی کی وجہ سےریلوےکوکروڑوں کانقصان ہوا جبکہ ٹرینوں کی اچانک منسوخی کی وجہ سے مسافروں کو پریشانی کا سامنا ہے۔

یاد رہے ملت ایکسپریس اورسرسید ایکسپریس کے درمیان تصادم کا خوفناک واقعہ پیش آیا ، جس میں 62 افراد جاں بحق جبکہ 100 سے زائد زخمی ہو گئے تھے۔

آئی ایس پی آر کا کہنا تھا کہ حادثے کاشکارٹرین کاانجن اوربوگیاں ٹریک سےہٹادی گئیں، ضروری مرمت کے بعد ر یلوے ٹریک ٹرینوں کی آمدورفت کیلئے کھول  دیا جائے گا۔

Comments

یہ بھی پڑھیں