اسلام آباد : وزیراعظم عمران خان نے خیبر پختوںخواہ بلدیاتی الیکشن میں پی ٹی آئی کی کامیابی پر مبارکباد دیتے ہوئے کہا عوام نےغداروں کو مسترد کردیا ، جوغیر ملکی آقاؤں کے ہاتھوں بک گئے ہیں۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا کہ بلدیاتی الیکشن کے دوسرے مرحلے پر محمودخان اورپی ٹی آئی کومبارکباددیتاہوں ، عوام نےغداروں کومسترد کردیا، جوغیر ملکی آقاؤں کےہاتھوں بک گئے، یہ ان غداروں کیلئے ابتدائی انتباہ ہے کہ انتخابی حلقوں میں کیا چیز منتظر ہے۔
Congratulations to CM @IMMahmoodKhan & our PTI team for their overwhelming success in Phase 2 of KP LG polls. Ppl of KP have emphatically rejected the traitors who sold out to foreign masters. This is an early warning to all traitors of what awaits them in their constituencies.
— Imran Khan (@ImranKhanPTI) April 1, 2022
یاد رہے خیبرپختونخوا بلدیاتی الیکشن میں تحریک انصاف نے پوری اپوزیشن کو پچھاڑدیا ہے ، تحصیل چیئرمین کی 15 نشستوں اور اٹھارہ تحصیل کونسلزکی نشستوں کے ساتھ پی ٹی آئی آگے ہے۔
غیرحتمی نتائج کے تحت جے یوآئی چیئرمین کی 5 نشستوں ، ن لیگ،اے این پی تحصیل چیئرمین کی 2،2 نشستوں جبکہ قومی وطن پارٹی اور جماعت اسلامی ایک ایک نشست پر کامیاب ہوئی۔
سوات کی میئر شپ بھی تحریک انصاف کے نام رہی تاہم جے یو آئی (ف) 7تحصیل کونسلز میں کامیاب ہو گئی۔
مسلم لیگ ن اور جماعت اسلامی 2، 2 تحصیل کونسلز جبکہ پیپلز پارٹی ایک تحصیل کونسل میں کامیابی حاصل کرسکی۔
