پٹرولیم مصنوعات کی قیمتوں اضافے کے بعد پبلک ٹرانسپورٹرز کی جانب سے کرایوں میں بڑا اضافہ کر دیا گیا۔
پبلک ٹرانسپورٹرز کی جانب سے قیمتوں میں اضافے کے بعد بڑا بم گرا دیا گیا۔ ٹرانسپورٹرز کی جانب سے 500 روپے تک کرایوں میں اضافہ کیا گیا ہے۔
لاہور سے راولپنڈی 2200 سے بڑھا کر 2450 روپے کر دیا گیا جب کہ لاہور سے پشاور کرایہ 2500 روپے سے بڑھا کر 3000 روپے کیا گیا ہے۔
لاہور سے فیصل آباد کرایہ 980 روپے سے بڑھا کر 1130 روپے اور لاہور سے سرگودھا کرایوں میں 1050 روسے بڑھا کر 1200 روپے کیا گیا ہے۔
لاہور سے سیالکوٹ کرایوں ایک سو روپے اضافے کے 900 روپے، لاہور سے بہاولپور کرایہ 2200 سے بڑھا کر 2400 روپے، لاہور سے ملتان کرایہ 1990 روپے سے 2090 روپے اور لاہور سے تونسہ کرایہ 2100 روپے سے بڑھا کر 2400 روپے کر دیا گیا۔
لاہور سے کراچی کا کرایہ 6700 روپے سے 7100 روپے، لاہور سے حیدر آباد کا کرایہ 6500 روپے سے 7000 روپے، لاہور سے مری کا کرایہ 2450 سے 2700 روپے کیا گیا ہے۔
مسافروں کا کہنا ہے کہ حکومت کے بعد ٹرانسپورٹرز کی جانب سے کرایوں میں بہت بڑا اضافہ کیا گیا ہے غریب آدمی اتنے زیادہ کیسے دے سکتا ہے حکومت اور ٹرانسپورٹرز کو ہوش کے ناخن لینے چاہئیے۔
ٹرانسپورٹرز نے کہا کہ پٹرولیم مصنوعات کی قیمتوں میں اضافے کے بعد کرایوں میں اضافہ کرنا مجبوری ہے اگر کرایوں میں اضافہ نہ کرتے تو گاڑیاں بند کرنی پڑتیں۔
