تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

کن ممالک کی جانب سے چین سے آنے والے مسافروں پر پابندیاں عائد کی جا رہی ہیں

بیجنگ: چین میں کرونا وائرس کیسز میں ایک بار پھر زبردست اضافے کی وجہ سے کئی اہم ممالک کی جانب سے چین سے آنے والے مسافروں پر پابندیاں عائد کی جا رہی ہیں۔

غیر ملکی میڈیا کے مطابق دنیا بھر کے حکام چین سے آنے والے مسافروں پر پابندیاں عائد کر رہے ہیں، یا پابندیوں پر غور کیا جا رہا ہے، کیوں کہ چین میں کووِڈ 19 کے کیسز میں ’’صفر-کووِڈ‘‘ قانون میں نرمی کے بعد بے حد اضافہ ہو گیا ہے۔

ممالک کی طرف سے یہ کہا جا رہا ہے کہ چین کی جانب سے کرونا کیسز کے ڈیٹا کے حوالے سے درست معلومات فراہم نہیں کی جا رہی ہیں، جس کی وجہ سے انھیں انفیکشن کی بڑھتی لہر سے متعلق تشویش ہے۔

گزشتہ روز عالمی ادارہ صحت (ڈبلیو ایچ او) اور چینی حکام میں ملاقات ہوئی تھی، جس میں چین پر کرونا کے نئے کیسز کا ڈیٹا فراہم کرنے کے لیے زور دیا گیا، تاکہ دیگر ملک اس حوالے سے مؤثر حکمت عملی ترتیب دے سکیں۔

ادھر چین نے اپنے کووِڈ ڈیٹا پر تنقید کو مسترد کر دیا ہے اور کہا ہے کہ وائرس میں تغیر کے باعث توقع ہے کہ مستقبل میں اس کی منتقلی تو تیز ہو لیکن انفیکشن کی شدت کم ہوگی۔

جن ممالک کی جانب سے چین سے آنے والے مسافروں پر پابندی عائد کی جا رہی ہے ان میں امریکا، برطانیہ اور فرانس سمیت کئی ممالک شامل ہیں۔ امریکا چین سے آنے والے مسافروں پر 5 جنوری سے لازمی ٹیسٹ کی پابندی لگائے گا، دو سال یا اس سے زیادہ عمر کے تمام فضائی مسافروں کو چین، ہانگ کانگ یا مکاؤ سے روانگی سے دو دن قبل ٹیسٹ کے منفی نتائج کی ضرورت ہوگی۔

برطانوی محکمہ صحت نے جمعہ کو کہا کہ 5 جنوری سے چین سے آنے والے مسافروں سے قبل از روانگی منفی کووِڈ 19 ٹیسٹ رپورٹ طلب کی جائے گی۔ فرانسیسی وزارت صحت اور ٹرانسپورٹ نے جمعہ کو کہا کہ فرانس بھی چین سے آنے والے مسافروں کو روانگی سے 48 گھنٹے قبل کی منفی رپورٹ طلب کرے گا۔

آسٹریلیا کے وزیر صحت مارک بٹلر نے اتوار کے روز کہا کہ آسٹریلیا بھی چین سے آنے والے مسافروں پر 5 جنوری سے منفی کرونا ٹیسٹ رپورٹ کی پابندی لگائے گا۔ بھارتی وزیر صحت کے مطابق ان کے ملک نے چین، ہانگ کانگ، جاپان، جنوبی کوریا اور تھائی لینڈ سے آنے والے مسافروں کے لیے کووِڈ 19 کی منفی ٹیسٹ رپورٹ لازمی قرار دی ہے۔

کینیڈا، جاپان، اٹلی، جنوبی کوریا اور اسپین نے بھی چین سے آنے والے مسافروں کے لیے منفی ٹیسٹ رپورٹ لازمی قرار دیا ہے۔

Comments

- Advertisement -